Connect with us

تازه خبرونه

د مرمر ډبرو له ۵۰ ډېرې کارخونې له کارکولو پاتې دي

خپور شوی

د

(Last Updated On: لړم ۲, ۱۴۰۱)

په کابل کې د مالیاتو د لوړیدو او د خامو توکو د نشتوالي له کبله له ۵۰ ډېرې د مرمرو ډبرو کارخونې له کار کولو پاتې دي.

د مرمر ډبرو د ټولنې چارواکي وایي، چې د کابل خارخونې هغه مهال له دغې ننګونې سره مخ شوې، چې حکومت د مرمر ډبرو د استخراج چارې ودرولې.

د مرمرو ټولنې مرستیال حیات الله نصرت د حکومت دا اقدام نامسوولانه بولي او وایي؛ په کابل کې د مرمر ډبرو له ۵۰ ډېرو کارخونو کار کاوه، چې په کې څه نا څه زر کسانو کارکولو ته لاسری درلود؛ خو د حکومت د نامسوولانه طرحې له کبله د دغو کارخونو کارونه په ټپه دریدلي دي. 

هغه دا هم څرګنده کړې، چې له پانګونې څخه د حکومت ملاتړ تش د خولې خبرې دي او رښتیا ندي؛ ځکه، چې د کارخونو لرونکي له یوې خوا د مالیاتو لوړیدو او له بلې خوا د خامو توکو د نرخ اوچتیدو له سترو ننګونو سره مخ کړي دي.

د سوداګرۍ خونې مرستیال خان جان الکوزی وایي: دا مو ستره اړتیا ده، چې په هېواد کې له پانګونې ملاتړ وشي.          

د کانونو او پترولیم وزارت ویاند عبدالقدیر مطفي په دې اړه داسې وایي: مونږ په خپل هېواد کې د پروسس او تولید تګلاره جوړه کړې او غواړو د همدې تګلارې له مخې پانګوال خپل کار تر سره کړي.

د نوموړي د څرګندونو له مخې؛ په بېلابېلو سیمو کې ظرفیتونه ټاکل شوي او د استخراج په اړه به له پانګوالو سره تړونونه تر سره کیږي.

کارپوهانو ویلي، چې د حکومت طرحې د اقتصادي ودې او پانګونې د ملاتړ لپاره په تېرو څلور کلونو کې ناکامه وې او باید په دې برخه کې بیا کتنه وشي.

تازه خبرونه

په تېرو ۶ میاشتو کې ۸ زره ۷۴۷ جنايي پېښې ثبت شوي

Published

on

(Last Updated On: وری ۹, ۱۴۰۳)

د کورنیو چارو وزارت ویاند عبدالمتین قانع د پنجشنبې پر ورځ (د وري نهمه) په یوه خبري ناسته کې د ۱۴۰۲ لمریز لېږدیز کال د وروستیو شپږ میاشتو هڅې او پرمختګونه رسنیو ته وړاندې کړل.

د عبدالمتین قانع د څرګندونو له مخې؛ د ۱۴۰۲ کال په تېرو شپږ میاشتو کې ۸ زره ۷۴۷ جنايي پېښې ثبت شوي، چې ۷ زره ۲۳۳ یې کشف او ۱۵ سوه ۲۵ نورې تر څېړنې لاندې دي.

قانع زیاته کړې؛ ۱۲ زره ۵۴۰ کسان د بېلابېلو جنايي جرمونو پر تړاو نیول شوي دي.

نوموړی وایي؛ په دې موده کې ۲۱ انسان تښتوونکي وژل شوي، ۱۸ کسان یې له منګولو ازاد شوي او ۱۷۲ د انسان تښتونې پر تور نیول شوي دي.

د کورنیو چارو وزارت ویاند د پاسپورټونو د وېش په اړه څرګنده کړې، چې په تېرو شپږ میاشتو کې ۸۳۷ زره پاسپورټونه خلکو ته وېشل شوي او په کابل کې به د وېش درې نورې نوې ادارې جوړې شي.

قانع ویلي: د پاسپورټ رياست له‌خوا هره ورځ لس زره پاسپورتونه هېوادوالو ته وېشل کېږي.

د دوی د څرګندونو له مخې؛ د نشه‌یي توکو کښت، تولید او قاچاق هم صفر ته رسېدلي او په هېواد کې د نشه‌یي توکو د تولید اته ماشینونه او د نشه‌یي توکو د تولید ۳۷۷ کارخونې کشف او له منځه وړل شوې دي. دوی د پولیسو د مسلکي کیدو، له فساد سره د مبارزې او د وسلو په راټولولو کې هم لاسته راوړنې لري.

هغه دا هم ويلي، چې په دې موده کې د هېواد په ډېرو ولايتونو کې کومه امنيتي پېښه نده رامنځته شوې او نه هم کوم امنيتي ضد فعاليتونه ترسره شوي دي.

د قانع د څرګندونو له مخې، امنیتي کچه د تېرو څو لسیزو پر پرتله بې سارې ده.

Continue Reading

تازه خبرونه

د ټاپي ګاز شرکت اجرائیه رییس له وروستیو پرمختګونو خوښي څرګنده کړه

Published

on

(Last Updated On: وری ۹, ۱۴۰۳)

د کانونو او پټرولیم وزارت چارسمبالي شهاب الدین دلاور د پنجشنبې پر ورځ ( د وري نهمه ) د ټاپي پروژې له اجرائیوي رییس او په کابل کې د ترکمنستان له سفیر سره وکتل او د دغې پروژې د پرمختګونو په اړه یې خبرې وکړې.

د ترکمنستان او افغانستان، پاکستان او هند (ټاپي) د ګازو نلیکې د پروژې اجرائیوي رییس مراد امانوف د پروژې له وروستي پرمختګه خوښي وښوده او د پروژې د عملي پیل په اړه یې خبرې وکړې.

د افغانستان د کانونو او پټرولیم وزارت چارسمبالي شهاب الدین لاور ويلي، چې د ټاپي پروژې لومړني کارونه چټک روان دي او په نږدې راتلونکي کې به د دې نلليکې د غځولو چارې پيل شي.

ویل کیږي، چې د ترکمنستان سفیر یاد هېواد ته د افغان پلاوي د وروستي سفر په اړه معلومات وړاندې کړل او څرګندوي، چې په نږدې راتلونکي کې به د دغه هېواد یو پلاوی هرات ولایت ته سفر وکړي.

TAPI د طبیعي ګاز یوه نللیکه ده، چې د آسیا پراختیایي بانک په ګډون د ګالکینیش – TAPI نللیکې شرکت له‌خوا پراختیا مومي.

دغه نللیکه به د ترکمنستان له ګالکینیش ګازو څخه طبیعي ګاز د افغانستان له لارې پاکستان او بیا هند ته لېږدوي.

Continue Reading

تازه خبرونه

تحول: په افغانستان کې د بریټانیا د پوځي ماموریت ارزونه

Published

on

(Last Updated On: وری ۹, ۱۴۰۳)

Continue Reading

Trending

Copyright © 2022 Ariana News. All rights reserved!