عاجل خبرونه

د پاکستان په کوټه کې پر کلیسا ځانمرګي برید ۸ کسه وژلي او ۳۰ نور ټپیان دي

(Last Updated On: December 17, 2017)

په پاکستان کې چاواکي وایي، په کوټه کې پر یوې کلیسا ځانمرګي برید لږ تر لږه ۸ کسه وژلي او ۳۰ نور ټپیان دي.

د بلوچستان ایالت د کورنیو چارو وزیر سرفراز بوګتي په ډاګه کړې؛ په دغه برید کې، چې نن یکشنبه د بیتل میموریال پرکلیسا وشو، لږ تر لږه دوه وسلوالو لاس درلود.

بوګتي وویل؛ یوه حمله کوونکي د کلیسا له دروازې سره، چې په انګړ کې یې د ښځو او ماشومانو په ګډون شاوخوا ۴۰۰ کسان د کرسمس له جشن مخکې د یکشنبې د ورځې د مراسمو لپاره راټول شوي وه، ځان ته چاودنه ورکړه.

د هغه په وینا؛ دوه یم برید کوونکي مخکې له دې، چې پځان پورې چاودیدونکي توکي والوزوي؛ د امنیتي ځواکونو پر ډزو ووژل شو.

د بلوچستان ایالت پولیس وايي، چې، ټول قربانیان د کلیسا په انګړ کې راټول شوي عبادت کوونکي دي.

About Ariana News

Avatar

Check Also

په مزار ښار کې د یکشنبې پر شپه د مخابراتي شبکو فعالیت ودرید

(Last Updated On: July 21, 2019)په مزار ښار کې د یکشنبه پر شپه(د چنګاښ ۲۹) …