د پاکستان لوی درستیز قمر جاوید باجوه نن په کابل کې له ولسمشر غني سره وکتل

(Last Updated On: October 1, 2017)

ولسمشر غني د پاکستان لوی درستیز قمر جاوید باجوه ته ویلي؛ د سویلي آسیا په اړه د امریکا ستراتیژي د افغانستان او پاکستان لپاره لوی فرصت دی، چې باید ترې ګټه پورته شي.

د ولسمشر د ویاند د دفتر سرپرست شاه حسین مرتضوي وایي، چې د امریکا د ولسمشر ترمپ نوې تګلارې په سیمه کې بدلونونه رامنځته کړي او شکونه له منځه تلي دي. مونږ باید ځانونه له تېر مهال سره ونه تړو او له دغه تاریخي فرصت څخه ډېره ګټه پورته کړو.  

په ورته وخت کې د اجرائيه ریاست دوه یم مرستیال محمد محقق ویلي، چې پاکستان تر فشار لاندې دی؛ نو دا ځل به پاکستان له افغانستان سره د سولې په خبرو کې د پام وړ همکاري وکړي.

پوځي څارونکی اسد الله ندیم د پاکستان پر رښتینولۍ باور نلري او وایي، پاکستان اوس یو کمزوری دریځ لري. که افغانستان پخپلو غوښتنو ټینګار وکړي؛ پاکستان یې له منلو پرته بله لار نلري.

 دا په داسې حال کې ده، چې افغان ولسمشر په افغانستان کې سوله دوه اړخیزه ګڼلې؛ چې لومړی باید افغانستان او پاکستان سوله وکړي بیا به افغان حکومت له طالبانو سره پرې خبرې کوي.

About Ariana News

Avatar

Check Also

په اووه ولایتونو کي د رایو بیا شمېرلو ته چمتوالی پیل شو

(Last Updated On: December 14, 2019)د ټاکنو خپلواک کمیسیون په پاتې اووه ولایتونو کې د …