Connect with us

تازه خبرونه

د چابهار بندر به پر ایران د امریکا له بندیزونو لیرې وساتل شي

خپور شوی

د

(Last Updated On: لړم ۲, ۱۴۰۱)

د سویلي او مرکزي آسیا لپاره د امریکا ځانګړې استازې الیس ویلز ویلي؛ هېواد یې په پام کې لري، چې د هند او افغانستان تر منځ د سوداګریزې راکړې ورکړې د پراختیا لپاره چابهار بندر له بندیزونو لیرې وساتي.

الیس ویلز د هند خبري شبکې ته په مرکه کې څرګنده کړې، چې د چاه بهار په اړه امریکا د بندیزونو د اغېز څېړلو په حال کې ده؛ د ارزونې بهیر یې روان دی، د هند اندېښنې او په دې کې یې ګټې، چې افغانستان ته صادرات زیات کړي او خپل هېواد ته له افغانستان څخه واردات ډېر کړي، په پام کې نیسو.

ترانسپورت وزارت وایي، په دې بندر کې د ایران، افغانستان او هند لخوا پانګونه په چټکۍ روانه ده.

د ترانسپورت وزارت ویاند حکمت الله قوانچ وایي، چې ایران د پانګوالو د پانګونې لپاره سوداګرو ته د اړتیا وړ ځمکه په واک کې ورکوي. د چابهار بندر د تطبیقي پلان هوکړه لیک بشپړ شوی؛ په دې بندر کې پانګونه روانه ده او چمتو یو، چې په کې افغان سوداګرو ته آسانتیاوې برابرې کړو.

د سوداګرۍ خونې د معلوماتو له مخې، دا مهال په چابهار بندر کې د څه باندې شپېته سوداګرو لخوا څه باندې ۱۵۰ میلیون دالر د ترانسپورت او کارخونو جوړولو په برخو کې پانګونه شوې ده.

د سوداګرۍ خونې مالي او اداري مرستیال توفیق داوري وایي: یو شمېر پانګونې، چې شوي هغه درې واړو هېوادونو ته نه یوازې په زړه پورې دي، بلکې پر صادراتو یې اغېز ډېر دی او پانګونې ته به هم ښه زمینه برابره کړي.                    

چابهار بندر د افغانستان، هند او ایران د نښلولو مرکز دی؛ افغانستان ته له دې کبله، چې له نړیوالو اوبو سره یې نښلوي، ځانګړی ارزښت لري.

مخکې افغان چارواکو له امریکا غوښتي وه، چې دا بندر له بندیزونو لیرې وساتي.

خبریاله: سمیراظفري

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!