عاجل خبرونه

د کابل د نوي ښار اړوند پارک ته نږدې یو ځانمرګی برید شنډ شو

(Last Updated On: July 16, 2018)

امنیتي چارواکو ویلي، چې یو ځانمرګی بریدګر د کابل په نوي ښار کې موخې ته له رسیدو مخکې وژل شوی؛ خو وروسته چاودنه رامنځته شوه، چې په کې یو کس ټپي شوی دی.

د  کابل امنیه قومندانۍ ویاند حشمت ستانکزي د پېښې پخلی کړی او وایي؛ بریدګر غوښتل، چې د ښار په پارک کې د حزب جنبش د پلویانو اعتراضي ناسته تر برید لاندې راولي.

د نوموړي د څرګندونو له مخې؛ په دې پېښه کې بریدګر د پولیسو پر مرمیو ویشتل شوی او  بل چا ته  زیان ندی اوښتی.

د حزب جنبش پلویانو د جنرال عبدالرشید دوستم، چې اوسمهال په ترکیه کې دی د راتګ او په فاریاب کې د دغه جزب د نیول شوي استازي نظام الدین قیصاري د راخوشې کولو  غوښتنه کړې ده.  

ویل کیږي، چې د حزب جنبش پلویانو لومړی غوښتل خپل اعتراض په زنبق څلورلاري کې د ملګرو ملتونو د استازي دفتر ته نږدې تر سره کړي؛ خو د امنیتي ګواښونو له کبله یې ځای د نوي ښار پارک ته راولیږدول شو.

دا لومړی ځل نه دی، چې ځانمرګی برید ګر لاریونکوونکي د ځانمرګي برید موخه ګرزي؛ خو دا لومړی ځل دی، چې اعتراض کوونکیو ته له رسیدو مخکې د پولیسو لخوا وژل کیږي.

About Ariana News

Avatar

Check Also

په کابل کې د سلام مخابراتي شرکت پر سیمه ییزې څانګې دوه ماین چاودنې شوي

(Last Updated On: September 21, 2019)د کابل ښار د یوولسمې امنیتي حوزې په اړوند سیمه …