عاجل خبرونه

د کابل – ریاض هوايي دهلیز پرانیستل شو

(Last Updated On: جون 26, 2018)

د ترکیې او افغانستان، هند او افغانستان له هوایي دهلیزونو وروسته دا دی د سې شنبې پر ورځ(د چنګاښ ۵) د افغانستان او عربستان تر منځ هم هوایي دهلیز پرانیستل شو.

په کابل کي دعربستان  سفارت شارژدافیر سلیمان سلیمان الطبیب وايي؛ هڅه کوو، چې د کابل او ریاض سوداګري پراخه او نوره هم وغوړیږي.

په لومړي پرواز کې د څه باندې یو میلیون دالرو پر اندازه زعفران او وچه میوه ولیږدول شوه.

نوموړي د هوایي دهلیز د پرانیستې پر مهال په ډاګه کړې؛ مونږه به د دواړو هېوادونو ترمنځ د سوداګرۍ د پراختیا لپاره کار وکړو، چې د سوداګرۍ اوسنی حالت پراختیا ومومي او دغه دهلیز مو د همکارۍ لومړنی ګام دی.

د سوداګرۍ خوڼي مسوولین وايي، چې د افغانستان د کرنیزو محصولاتو لپاره عربستان ترټولو ستر او مناسب مارکیت دی؛ خو دوی د عربستان له حکومت غوښتنه کوي، چې په هوايي ډګر او ګمرکونو کې له افغان سوداګرو سره همکاري زیاته کړي.

د سوداګرۍ خونې د عامل پلاوي رییس عتیق الله نصرت وایي، چې په لومړي ځل مونږ عربستان ته په دغه پرواز کي د یو ټن په اندازه تازه میوه او ۵۰۰ کیلو ګرام زعفران واستول او هلته به د مارکیت د تنطیم په اړه راته هرڅه څرګند شي.

دسودا ګرۍ خونې مسولین همدا راز وايي؛ دمګړۍ د افغانستان او عربستان کلنۍ راکړه ورکړه ۱۵ میلیون دالرو ته رسیږي، چي دا کچه باید نوره هم لوړه شي.

خبریال : اسلم حجاب

About Ariana News

Check Also

اجرائیه رییس عبدالله د ايران له ولسمشر سره لیدلي

(Last Updated On: سپتمبر 25, 2018) د افغانستان د ملي وحدت حکومت اجرائیه رییس داکتر …