عاجل خبرونه

د فراه ولایت په بالابلوک کې جګړو مرګ و ژوبله رامنخته کړې

(Last Updated On: December 24, 2017 3:00 pm)

د فراه په بالا بلوک ولسوالی کې د وسلوالو او امنیتي ځواکونو په نښته کې دوه ښځې وژل شوي او د دوه ماشومانو په ګډون درې کسه نور ټپیان دي.

د فراه ولایت امنیه قومندانۍ ویاند وايي، دا مرګ و ژوبله د طالبانو په برید کې رامنځته شوې ده.

د فراه امنیه قومندانۍ ویاند اقبال باهر وايي، نښته د بالا بلوک ولسوالۍ په شیوان سیمه کې رامنځته شوې ده.

د نوموړي د څرګندونو له مخې؛ نښته د طالبانو له خوا پیل شوې او د هاوان په یوه برید کی دوه ښځې وژل شوي او د دوه ماشمومانو په ګډون درې نور ملکي وګړي ټپیان دي.

ښاغلي باهر دا هم ویلي، چې د فراه د خاک سفید ولسوالی د نهردشت سیمې په یوه نښته کې د طالبانو د یوه سیمه ییز قومندان په ګډون لس وسلوال وژل شوي او څلور نور ټپيان دي.

دغه راز د چارواکو په وینا؛ د همدې سیمې د شرانو په غونډې کې طالبانو د پولیسو پر پوستو برید کړی، چې له کبله یې دوه ملي پولیس او درې وسلوال وژل شوي او دوه پولیس او درې طالبان ټپیان دي.

About Ariana News

Check Also

په بلخ کې له ۹ ورځني ځنډ وروسته د ټاکنو کمیسیون ور خلاص شو

(Last Updated On: September 23, 2018 2:19 pm) په بلخ کې د لوی ملي ائتلاف …