تازه خبرونه
د ناتو له پرېکړې مخکې دې افغانستان ته د تلونکیو سرتېرو شمېر اعلان شي-پیتر پاول
ناتو له امریکا غوښتي، چې د سرتېرو د زیاتولو په اړه دې د دغه سازمان د تازه پرېکړې له اعلان مخکې افغانستان ته د تلونکیو امریکايي سرتېرو شمېر اعلان کړي.
امریکا د افغانستان او سویلي آسیا لپاره خپله ستراتیژي اعلان کړې؛ خو ناتو وايي؛ دوی نه پوهیږي، چې افغانستان ته امریکا څومره سرتېري لیږي او هلته به څنګه ځای پر ځای کیږي.
د ناتو د پوځی کمیتې مشر پیتر پاول څرګنده کړې، چې مونږ د دفاع له وزیرانو ازمایبښتې څرګندونې تر لاسه کړي؛ خو دا لا نده معلومه، چې د دوی سرتېري به په کومو ځایونو کې او په کومو دندو بوختیږي. مخکې له دې، چې پوه شو امریکا به کوم ځایونه نیسي؛ مونږ ته به ستونزمنه وي، چې د سرتېرو د زیاتولو په اړه پرېکړه وکړو.
نوموړي په ډاګه کړې، چې دوی افغانستان ته د خپلو سرتېرو د لیږلو پرېکړه تر راتلونکې اکتوبره ځنډولې ده.
هغه دا هم ویلي؛ دوی به د سرتېرو د لیږلو پر وخت پر هغو اړتیاوو کار وکړي، چې افغان ځواکونه سمدلاسه ور سره لاس او ګریوان دي.
ښاغلي پیتر پاول زیاته کړې؛ دا ښکاره خبره ده، چې هوايي ځواکونه روزنې، پرمختیا او ځانګړي ځواکونه سمبالولو ته اړتیا لري.
د ناتو دغه چارواکی ټینګار کوي، چې د افغانستان د ثبات لپاره یوازې پر بهرنیو سرتېرو تکیه کول د ستونزې حل نه را وباسي.
ولسمشرۍ ماڼۍ ويلي، چې دوی په پوځي لیکو کې اصلاحاتو ته ژمن دي.
د ولسمشر د ویاند مرستیال دواخان مینه پال وایي، په ټولو دولتي ادارو کې اصلاحات پلي کیږي او دا مو لومړنۍ موخه ده. که دا کار ونشي، کاري ظرفیتونه به ونلرو او له فساد سره به مبارزه هم ټکنۍ وي.
واشنګټن پوست ورځپاڼې په خپل تازه رپوټ کې لیکلي؛ پنتاګون اوس هم په دې فکر کوي، چې په دوه زره اتلسم کال کې خپل سرتېري څه ډول په افغانستان کې ځای پر ځای کړي.
خبریال: فهیم نوري
تازه خبرونه
افغانستان او چین په سیمه کې پوره همغږۍ او همکاریو ته اړتیا لري – امیر خان متقي
د بهرنیو چارو وزارت چارسمبالي ویلي، چې په سیمه کې وروستۍ پېښې او پرمختګونه ښیي، چې افغانستان او چین د ګډو ګټو د ساتلو لپاره پوره همغږۍ او همکارۍ ته اړتیا لري.
امیر خان متقي دغه څرګندونې په کابل کې د چین له سفیر ژاوشینګ سره په کتنه کې کړې دي.
د افغانستان بهرنیو چارو وزارت نن (سې شنبه د غویی څلورمه) په یوه خبرپاڼه کې ویلي، چې دواړو لوریو په سیمه کې د افغانستان او چین ترمنځ پر دوه اړخیزو سیاسي، اقتصادي او فرهنګي همکاریو او وروستیو پرمختګونو خبرې کړې دي.
د بهرنیو چارو وزارت چارسمبالي د دواړو هېوادونو ترمنځ د سیاسي، اقتصادي او فرهنګي اړیکو له پراختیا څخه خوښي څرګنده کړه او وایي، چې اسلامي امارت د سوداګرۍ او پانګونې په برخه کې ښه فرصتونه رامنځته کړي دي.
امیرخان متقي وایي: چین ته د انارو او جلغوزیو د صادراتو زیاتوالی او د مس عینک او واخان دهلیز په پروژو کې پرمختګونه د اسلامي امارت د متوازن اقتصادي سیاست ښکاره بېلګې دي.
د بهرنیو چارو وزارت د خبرپاڼې له مخې؛ د چین سفیر له افغانستان سره په بېلابېلو برخو کې شوي پرمختګونه مثبت وګڼل او زیاتوي: چینايي سوداګر او پانګوال به وهڅوي، چې له افغانستان سره د اوږدمهاله اقتصادي همکاریو په برخه کې خپل رغنده رول ولوبوي.
هغه دا ډاډ هم ډاډ څرګند کړی، چې هېواد به یې د واخان دهلېز د مسلې په اړه د دوه اړخیزو همکاریو لارې چارې او امکانات وارزوي.
تازه خبرونه
راشد خان د افغان بیسیم سوداګریز سفیر شو
د افغان بیسیم مخابراتي شرکت څرګنده کړې، چې راشد خان د دې شرکت د سوداګریز سفیر په توګه ټاکل شوی دی.
یاد شرکت په فیسبوک پاڼه کې څرګنده کړې؛ راشد خان ځوان، ټولنیز او نومیالی شخصیت دی، چې د هېواد د کرکټ په ډګر کې ښه ځلیدلی دی.
راشد خان هم په فیسبوک پاڼه کې د افغان بیسیم د سوداګریز سفیر په توګه د ټاکل کېدو په اړه خوښي څرګنده کړې ده.
هغه افغان بیسیم د یو غوره شرکت په توګه یاد کړی او څرګندوي، چې افغان بیسیم د مخابراتو په برخه کې یو مخکښ شرکت دی.
تازه خبرونه
د اسلامي همکاریو ټولنې پلاوي د اروپايي ټولنې له استازې سره ولیدل
د اروپايي ټولنې او اسلامي همکاریو ټولنې استازو په افغانستان کې د بشري او تعلیمي وضعیت په اړه خبرې وکړې.
په افغانستان کې د اروپايي ټولنې چارسمبالې رافایلا یودیچه په کابل کې د اسلامي همکاریو ټولنې له ځانګړي استازي طارق علي بخیت او مل پلاوي سره وکتل.
میرمن یودیچه په ایکس پاڼه کې لیکلي، چې دوی د افغانستان پر بشري، اقتصادي او تعلیمي وضعیت خبرې کړې دي.
هغې زیاته کړې: بنسټیز ملاتړ اوس هم د خلکو لپاره اړین دی. د ښځو غږ باید په افغانستان کې د هر راز خبرو اترو او رغنده تعامل برخه وي.
له دې مخکې د اسلامي همکاریو ټولنې پلاوي د اسلامي امارت له چارواکو سره کتلي دي.
-
تازه خبرونه1 day ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ3 days ago
د جاپان دوه پوځي چورلکې بحر ته وغورځېدې
-
تازه خبرونه3 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی2 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
نړۍ23 hours ago
د مالیزیا بحري ځواکونو د چورلکو په ټکر کې ۱۰ کسان مړه شول
-
سیمه ییز خبرونه2 days ago
د ایران ولسمشر پر درې ورځني سفر پاکستان ته ولاړ
-
لوبی1 day ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
تازه خبرونه3 days ago
چینایي سوداګر کابل ته د پنجشېر اوبو لیږدولو په پروژه کې پانګونې ته لیوالتیا لري