Connect with us

تازه خبرونه

د کابل د شنې ساحې امنیتي طرحه وړاندې شوه

خپور شوی

د

(Last Updated On: لړم ۲, ۱۴۰۱)

د کابل  د امنیه قومندانۍ سرپرست وایي، بدیلو لارو جوړولو ته په پام سره د شنې ساحې کار د وزیر اکبر خان له سیمې  پیل شوی دی. د دې طرحې پر مټ د ښار ځینو سړکونو امنیت خوندي کیږي؛ خو د پلازمېنې نور واتونه به له ترافیکي او نورو ستونزو سره مخ شي.

د وزیر اکبر خان سړک د کابل امنیتي مسوولینو له کاري لومړیتوبونو دی.

د وزیر اکبر خان، نوي ښار، شېر پور او قلعه فتح الله سړکونه په شنه ساحه کې شاملیږي، چې دغو سیمو ته پر لنډو مواصلاتي لارو هم غور روان دی.

دغه راز د کابل مرکزي ساحې؛ د کابل هوایی ډګر، مکروریانونه، قلعه زمانخان، د بي بي مهرو غونډۍ، د عامې روغتیا وزارت، څلور سوه بستریز پوځي روغتون، د وزیر محمد اکبر خان روغتون  او د صحت طفل روغتون د دغه پروګرام د پلي کیدو د وخت په اړه څه نه دي ویل شوي خو د دې سړکونو بندښت ښاریان اندېښمن کړي دي.  

کابل ښاریان وایي، د شنې ساحې په طرحه کې د پلازمېنې مرکزي سړکونه زندان کیږي.

د کابل امنیه قومندانۍ سرپرست محمد سالم احساس وایي، په دې سړک کې واړه موتر تګ راتګ کولی شي.

کابل ښاروالۍ له پولیسو سره په همغږي کې د بدیلو لارو د جوړیدو په اړه وایي د کابل ښاروالۍ په پروګرام کې د وزیر محمد اکبر خان تپې په شمال او سویل کې د یوه یوه سړک جوړول، یو هم له زړو مکروریانونو څخه د پادشاه تر پله، چې د نهمې امنیتي حوزې اړوند ساحه ده، بدیل سړکونه ګڼل شوي دي.

کابل ښاریان د سړکونو په ځانګړي توګه مرکزي سړکونو له بندښت اندېښمن دي.

ولسمشر د پلازمېنې د امنیت د تامین لپاره شپږ میاشتې وخت ټاکلی او کارپوهان په دې باور دي، چې حکومت له هرې ممکنې لارې د کابل د امنیت ساتنې لپاره کار اخلي.

دا په داسې حال کې ده، چې د حکومت د سمنتي دیوالونو د لیرې کولو طرح له لږ کار وروسته ودرول شوه؛ خو حکومت پر نورو بدیلو لارو غور پیل کړ.

Advertisement

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!