تازه خبرونه
د کابل ګارنیزیون او امنیې له پخوانيو قومندانانو څېړنې وشوې
د لویې څارنوالۍ ویاند وایي، د ولسمشرۍ ماڼۍ او معترضانو تر منځ له شخړو دوه اوونۍ وروسته لویې څارنوالۍ د کابل ګارنیزیون له پخواني قومندان ګل نبي احمدزي، د کابل له پخواني امنیه قومندان حسن شاه فروغ، د لسمې او پېنځمې امنیتي حوزې له آمرانو او نورو امنیتي مسوولینو څخه پر لاریون کوونکیو د ډزو په تړاو څېړنې وشوې.
د لویې څارنوالۍ ویاند جمشید رسولي زیاتوي، په دې اړه له نورو هم څېړنې روانې دي؛ خو د تورن په توګه تر اوسه هیڅوک نه دي نیول شوي.
د څېړنو پایله نه ده معلومه؛ خو رسولي غواړي هغه عادي کسان، چې اعتراضونه یې پر تاوتریخوالي واړول هم پیدا او ترې څېړنې وکړي.
اعتراض کونکی عبدالکریم محمدي وایي، د اعتراض کوونکیو د تحصن خیمه په شېرپور څلور لارې کې پر ځای ده، چې نه یوازې د لویې څارنوالي پر کړنو رضایت نه لري، بلکې په امنیتي بنسټونو کې هم سمونونه غواړي او د جګپوړیو امنیتي چارواکو( د ملي امنیت د رییس او د ملي امنیت د شورا د سلاکار) د استعفا غوښتنې لري.
د اعتراض کوونکی نور یحیا په وینا؛ که غوښتنو ته مو د روژې تر پایه مثبت ځواب ونه ویل شي؛ مونږ به بېرته د تحصن خیمې په بېلابېلو سیمو کې ودراوو.
د ولسمشر مرستیال ویاند نجیب الله آزاد وایي، ولسمشرۍ ماڼۍ هم دې ته چمتو شوې، چې د اعتراض کوونکیو د غوښتنو یوه برخه عملي کړي؛ خو نه د هغو ټولې غوښټنې. دا، چې د معترضانو کومې غوښتنې عملي کیږي، ښاغلي آزاد پرې تر دې دمه څه نه دي ویلي.
په کابل کې څو ورځې مخکې د تانکربم چاودنې په غبرګون کې اعتراضونه وشول؛ اعتراض کوونکیو غوښتل ارګ ته نږدې شي، خو امنیتي مامورینو یې مخنیوی وکړ. پر همدې مهال د امنیتي ځواکونو او اعتراض کوونکیو تر منځ په اخ و ډب کې نهه تنه اعتراض کوونکي ووژل شول او له شل ډېر ټپیان دي. په وژل شویو کې د مشرانو جرګې د لومړي مرستیال ایزدیار زوی سالم ایزیدیار هم و، چې ویل کیږي د جنازې په مراسمو کې یې درې غبرګ ځانمرګي بریدونه تر سره شول.
تازه خبرونه
د داعش خراسانی مشر د پاکستان په بلوچستان کې دی – رویټرز
رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.
د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.
رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.
رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.
د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.
له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.
د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.
ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.
تازه خبرونه
د رښتر پر کچه ۵ اعشاریه ۲ درجې زلزلې افغانستان ولړزاوه
د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.
دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.
دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.
تر اوسه د دې پېښې د ځاني او مالي زیان په اړه څه ندي ویل شوي.
تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.
تازه خبرونه
د بیات بنیاد د روژې مرسته د بلخ ولایت اړمنو ته ورسېده
بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.
د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.
نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.
هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.
بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.
-
تازه خبرونه3 days ago
په پاکستان کې ځانمرګي د ۵ چینايي انجینرانو په ګډون ۶ کسان ووژل
-
سوداگري4 days ago
افغانستان ته د پاکستان راغلی پلاوی پر اقتصادي همکاریو خبرې کوې
-
تازه خبرونه4 days ago
بیات بنیاد په ننګرهار کې اړمنو کورنیو ته د روژې مرستې ووېشلې
-
تازه خبرونه5 days ago
په هرات کې له ۵۰۰ ډېر لرغوني آثار موزیم او آرشیف ته سپارل شوي
-
تازه خبرونه2 days ago
په کابل کې سلګونه اړمنې کورنۍ د بیات بنیاد د روژې له مرستو برخمنې شوې
-
تازه خبرونه4 days ago
د پاکستان په تورخم کې سرحدۍ ځواکونو د فډرالي څېړنو ادارې ۶ کارکوونکي وهلي
-
تازه خبرونه1 day ago
د ټاپي ګاز شرکت اجرائیه رییس له وروستیو پرمختګونو خوښي څرګنده کړه
-
سوداگري3 days ago
د افغانستان او پاکستان د سوداګرۍ استازیو پر ننګونو خبرې وکړې