تازه خبرونه
د کابل خونړی برید د ترهګرو اصلي څېره بربڼدوي
د امریکا ولسمشر وایي، د کابل خونړی برید د ترهګرو اصلي څېره بربڼدوي، چې د ټولو متمدنو خلکو دښمنان دي.
د کابل د وروستي برید د قربانیانو لپاره د درناوي په موخه په پاریس کې د ایفل څلې څراغونه مړه شول. د امریکا ولسمشر له خپل افغان سیال سره په تیلیفوني خبرو کې دغه برید د ترهګرو د وحشت ښودونکې بللې دی.
د امریکا ولسمشر دونالد ترمپ وایي، دغه برید، چې د روژې په مبارکه میاشت کې وشو؛ د ترهګرو پر وحشیانه فطرت، چې د ټولو متمدنو خلکو دښمنان دي ټینګار کوي. د امریکا سفارت له افغان همکارانو او ائتلافي همکارانو سره د دې جنایت کارانه پېښې مسوولین تعقیبوي او په دې اړه کار کوي.
بلخوا ملګرو ملتونو د کابل له برید وروسته د ملکیانو د ساتنې په اړتیا ټینګار کړی دی.
د ملګرو ملتونو د سازمان د سرمنشي ویاند استیفن دوجاریک د دې برید په تړاو خپله کرکه وښوده او د ترهګرۍ په وړاندې یې د مبارزې پر اړتیا ټینګار کړی دی. د ملکیانو په وړاندې ړانده بریدونه له بشري حقونو او نورو نړیوالو قوانینو جدي سرغړونه ده او هیڅکله ورته پلمه نه شي جوړیدلی. څوک، چې د دغه برید مسوول دي، باید عدالت ته راکښل شي.
اروپایي ټولنه وايي، دا ټولنه د ترهګرۍ په وړاندې مبارزه کې له افغانستان سره ولاړه ده.
د اروپایی ټولنې د بهرنیو اړیکو د چارو عالي استازي ویلي، چې سوله شونې ده او د ټولنې غړي هېوادونه به دې موخې ته د رسیدو لپاره له هر ګام ملاتړ وکړي.
د روسیې د بهرنیو چارو وزارت ویاند ماریا زاخاروا له برید وروسته له افغان چاوراکو غوښتي، چې د پلازمېنې کابل او نورو کلیدي سیمو امنیت په لازم ډول ونیسي.
د نوموړي په وینا؛ مونږ دغه حمله غندو او هیله لرو، چې توطیه کوونکي او عاملان یې پر سزا ورسول شي. مونږ له افغان چارواکو غواړو، چې د پلازمېنې کابل او نورو سیمو امنیت ته لازم تدبیرونه ونیسي.
دې چاودنې د ترکیې او فرانسې سفارتونو ته هم زیان اړولی؛ خو د دې سفارتونو کارکوونکیو ته زیان په کې نه دی رسیدلی.
د فرانسې د بهرنیو چارو وزیر په کابل کې د دې حملې په اړه معلومات برابر کړي، چې د فرانسې سفارت ته یې ډېر مالي تاوان رسولی دی.
د ترکیې د بهرنیو چارو وزیر مولود چاووش اوغلو ویلي، مونږ د سفارت له ودانۍ څخه د ځینو کارکوونکیو د ویستو په اړه فکر کوو؛ ځکه دغه ودانۍ ترمیم ته اړتیا لري.
سویلي کوریا او د قزاقستان ولسمشر هم دغه برید غندلې او له افغانستان سره یې همکاریو ته تیاری ښودلی دی.
دا په داسې حال کې ده، چې ځینو بهرنیو کارپوهانو له دې برید وروسته ویلي، چې په افغانستان کې سوله د تاوتریخوالي د پای ته رسولو یواځنی لار ده؛ خو په دې برخه کې پر پاکستان اتکا کارنده نه ده.
تازه خبرونه
ایران او پاکستان د افغانستان په اړه ګډه اعلامیه خپره کړه
ایران او پاکستان په یوه ګډه اعلامیه کې د یو سولهییز، متحد، خپلواک او له ترهګرۍ او نشهیي توکو قاچاق څخه د پاک افغانستان په اړه پخپلو ژمنو ټینګار څرګند کړی دی.
دواړو لوریو د ترهګریزو ډلو شتوالي ته په افغانستان کې نغوته کړې، چې سیمې او نړۍ ته امنیتي ګواښ دی؛ نو پر وړاندې یې پر مبارزه، همکارۍ او متحدې جبهې جوړولو ټینګار کړی دی.
دوی دغه راز د سیمې د امنیت او ثبات د ډاډمنولو لپاره د سیمهییزې او نړیوالې همغږۍ د اړتیاوو پر اهمیت خبرې کړې دي.
دواړه لوري د افغانستان حاکمیت او ځمکنۍ بشپړتیا ته د احترام کولو تر څنګ څرګندوي؛ د دې هېواد ټولې خواوې باید په بنسټیزو پرېکړو کې ونډه ولري، چې په هېواد کې د سولې او ثبات لامل شي.
تازه خبرونه
له ۱۰۰۰ ډېر افغان مهاجرین له پاکستان څخه جبري وایستل شول
د مهاجرینو چارو وزارت ویلي، چې د غویي پر څلورمه د سپین بولدک له فرضي کرښې څخه ۱۰۰۱ افغان مهاجرین پر جبري بڼه خپل هېواد ته راستانه شول.
د کندهار سپین بولدک سرحدي آمریت د راپور له مخې؛ ۱۹۱ کورنۍ، چې ۹۹۸ کسان دي او درې کسان نور، چې له بنده ازاد شوي؛ په جبري توګه له پاکستان څخه هېواد ته راستانه شول.
د مهاجرینو چارو وزارت د څرګندونو له مخې؛ د مهاجرینو چارو له ریاست سره له نوم لیکنې وروسته د نورو مرستو لپاره د ملګرو ملتونو عالي کمېشنرۍ، د مهاجرت او د خوړو نړیوالې ټولنې دفترونو ته ور وپېژندل شول.
دغه راز له ۱۸ کلونو کم عمره دوه کسان، چې بندیان ول د مرستې لپاره OMPO موسسې ته ور پېژندل شوي.
ویل کیږي، چې له هرې کورنۍ سره د حکومت له لوري لس – لس زره افغانۍ نغدي مرسته هم شوې ده.
تازه خبرونه
د ټرانسپورټ او هوايي چلند وزارت چارسمبالي د ازبکستان په شپږ اړخیزه غونډه کې ګډون وکړ
د ټرانسپورټ او هوايي چلند وزارت چارسمبالي حميدالله اخوندزاده پرون (سې شنبه د غویی څلورمه) د يوه پلاوي پر مشرۍ ازبکستان ته سفر کړی او د دې هېواد پر کوبتوب یې د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ په شپږ اړخيزه غونډه کې ګډون وکړ.
د افغانستان پلاوي په دې کتنه کې د نورو هېوادونو له استازیو سره د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ د شپږ اړخيز دهليز له لارې د راکړې ورکړې د پراختيا په اړه خبرې وکړې.
د ټرانسپورټ او هوايي چلند وزارت ويلي، چې د دې غونډې په څنډه کې د دغه وزارت چارسمبالي د روسیې او بلاروس د ټرانسپورټ له مرستیالانو سره هم وکتل.
دغه راز د ټرانسپورت او هوايي چلند وزارت چارسمبالي د روسيې او بېلاروس د ټرانسپورټ وزارتونو له مرستيالانو سره د افغانستان او روسيې، افغانستان او بېلاروس ترمنځ د ټرانزيټي لارو د پراختيا او د ټرانسپورټي اسانتياوو د برابرولو په اړه خبرې وکړې.
ویل کیږي، چې د ټرانسپورټ او هوايي چلند وزارت چارسمبالي د افغانستان په چارو کې د ازبکستان د ولسمشر ځانګړي استازي او د ټرانسپورټ له وزیر سره دوه اړخیزې ناستې کړي او د دواړو هېوادونو ترمنځ یې د ټرانزیټ پر پراختیا بحث او خبرې کړې دي.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
تازه خبرونه2 days ago
راشد خان د افغان بیسیم سوداګریز سفیر شو
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ