عاجل خبرونه

د مشروع ادارې نشتوالی به د سولې په اړه پرېکړو ته ستونزې راولاړې کړي

(Last Updated On: August 18, 2019)

د ولسمشرۍ د نوماند محمد اشرف غني د ټاکنیز کمپاین رييس عمر داوود زي د واده پر مراسمو برید ته په غنوته کې ویلي، چې د افغانستان د ښمنان غواړي د خلکو تر منځ وېره خوره او نظام کمزوری وښيي.

ټاکل شوې وه، چې ولسمشر غني د اسماعلیه شورا په کمپاینې غونډه کې ګډون وکړي، چې د هغه په ملاتړ جوړه شوه وه؛ خو هغه د خپل ټاکنیز کمپاین رييس عمر داوودزی غونډې ته واستوه.

عمر داوودزی وايي، چې ولسمشر غني د برید قربانیانو ته د درناوي په خاطر په غونډه کې ګډون ونکړ. د عمر داوودزي په باور؛ دا ډول بریدونه د هېواد د دښمنانو د هغو پلانونه یوه برخه ده، چې غواړي د ټاکنو په ګډون مهمې چارې له ستونزو سره مخ کړي.

د داوودزي د څرګندونو له مخې؛ دا برید د ټاکنو د ګډوډولو د هڅو یوه برخه ده. د مشروع ادارې د نشتوالي په صورت کې به د سولې په اړه پرېکړې تازه ستونزې را ولاړې کړي.

د افغانستان د اسماعلیه سراسري شورا ريیس غلام قادر سخي زاده د دغې غونډې په ترڅ کې د اشرف غني په مشرۍ له دولت جوړوونکې ډلې څخه خپل ملاتړ وښود او زیاته یې کړه، چې په دولت جوړونه کې باید خلکو او په ځانګړې توګه اسماعلیانو ته د پام وړ ونډه ورکړشي.

که څه هم د ولسمشریزو ټاکنو لپاره د نوماندانو ترمنځ سیالۍ پیل شوي؛ خو په هېواد کې تاوتریخوالي هم زور اخیستی دی.

About Ariana News

Avatar

Check Also

کابل او لس نور ولایتونه به تر ناڅرګند وخته بې برښنا وي

(Last Updated On: September 16, 2019)د افغانستان برښنا شرکت وایي، له تېرې یوې اوونۍ راپدیخوا …