عاجل خبرونه

د کابل ښار د دارالامان په اړوند سیمه کې چاودنې مرګ و ژوبله رامنځته کړې

(Last Updated On: June 3, 2019)

د کابل ښار دارالامان ته نږدې یوه نیمه بجه د حکومتي کارکوونکیو پر یو کاستر یوه چاودنه شوې ده.

مسوولین وایي، چې چاودنه د اداري اصلاحاتو کمیسیون د کارکوونکیو پر کاستر موتر رامنځته شوې ده.

 د اداري اصلاحاتو کمیسیون ویاند منلې، چې د دوی د کارکوونکیو پر موتر چاودنه شوې، چې په کې د دغه کمیسیون څلور کسان وژل شوي او اته نور ټپیان دي.

روغتیایي چارواکو ویلي، چې تر دې دمه د پېښې له ځایه ۱۰ ټپیان روغتونونو ته لیږدول شوي دي او ۵ کسانو خپل خوږ ژوند له لاسه ورکړی دی.

کورنیو چارو وزارت څرګنده کړې، چې په دې پېښه کې ۵ کسان وژل شوي او ۱۰ نور ټپیان دي.

د پېښې له ځای څخه امنیتی چارواکو ویلي، چې دغه غرمنی برید یو ځانمرګي کړی، چې پر بایسکیل سپور و. له دې مخکې ویل شوي وه، چې پېښه د یو نښلیدونکي ماین د چاودنې له کبله رامنځته شوې، چې د اړوند کاستر پر تانکۍ نښلول شوی و.

تر دې دمه هیچا د پېښې مسوولیت پر غاړه ندی اخیستی.

دا په داسې حال کې ده، چې تېره ورځ د کابل ښار د پېنځمې ناحیې په اړوند سیمه کې څلور چاودنو هم کابل ښاریانو ته ځاني او مالي زیانونه اړولي دي.

About Ariana News

Avatar

Check Also

په کندوز ۱۸ پاڅونوالو او پولیسو ته مرګ و ژوبله اوښتې

(Last Updated On: October 22, 2019)د کندوز د ولایتي شورا مرستیال ویلي، چې د دې …