Connect with us

تازه خبرونه

د کابل د ټاکنیزې حوزې په اړه د شکایتونو څېړنې به ژر بشپړې شي

خپور شوی

د

(Last Updated On: لړم ۳, ۱۴۰۱)

د ټاکنو چارواکي وایي، چې د کابل ولسي جرګې ټاکنو د وروستیو پایلو په تړاو د ټاکنیزو شکایتونو خپلواک کمیسیون څېړنې به نن یا سبا بشپړې شي.

د تړلیو دروازو شاته په ټاکیزو شکایتونو خپلواک کمیسیون کې د کابل د ولسي جرګې ټاکنو پر رای پاڼو څېړنې روانې دي؛ خود څېړنو څرنګوالی مبهم دی.

د ټاکنیزو شکایتونو خپلواک کمیسیون وایي، د کابل ولسي جرګې ټاکنو د وروستیو پایلو په تړاو څېړنې پای ته نږدې دي او د وروستیو پایلو اعلام ته چمتووالی نیول شوی.

 د کمیسیون په وینا، د شنبې له ورځې به د کابل رایو د څېړنو د تطبیق بهیر د تاکنو خپلواک کمیسیون د اطلاعاتو د ثبت په مرکز کې پیل شي.

د ټاکنیزو شکایتونو خپلواک کمیسیون منشي قاسم الیاسي وایي، د کابل ولسي جرګې د ټاکنو په وروستیو پایلو کې به بدلون راشي او د وروستیو پایلو اعلام ته چمتووالی نیول شوی.

د کابل رایو د باطلیدو ټاکنه هم  د ټاکنیزو شکایتونو خپلواک کمیسیون پر میز وه؛ خو اوس، چې د رایو ستره برخه څېړل شوې، د دې غوراوي د ټاکنې احتمال هم ډېر کم شوی دی.

د ټاکنو خپلواک کمیسیون د ویاند مرستیال عبدالعزیز ابراهیمي وایي، چې د ټاکنیزو شکایتونو خپلواک کمیسیون له څېړنو وروسته د څېړنو د تطبیق بهیر پیلیږي او ور سره به د کابل وروستۍ پایلې هم اعلام شي.

د ولسي جرګې ټاکنې د تېر کال د تلې په ۲۸ تر سره شوې، چې  تېره یوه نیمه لسیزه کې تر ټولو جنجالي ټاکنې وې. د کابل حوزې معترض نوماندان وایي، د درغلیو کچه لوړه وه او د دې امکان نه و، چې تورې رایې له سپینو هغو بېلې شي، له همدې کبله معترض نوماندان د کابل رایوو د باطلیدو غوښتنه لري.

خبریال: باعث حیات

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!