تازه خبرونه
د کابل خونړی برید به بې ځوابه پاتې نشي- اشرف غني
د افغانستان ولسمشر اشرف غني د چارشنبې پر ورځ ماښام مهال په کابل کې د سې شنبې د ورځې د خونړي برید د ټپیانو پوښتنه کړې ده.
ولسمشر اشرف غني له ټپیانو څخه د لیدنې پرمهال څرګنده کړه، چې دغه برید د افغانستان د خلکو پر ملي هویت برید دی او بې ځوابه په پاتې نشي.
هغه زیاته دا هم ویلي، چې د افغانستان په تاریخ کې هیڅکله پر دیني عالمانو او د پیغمبر(ص) پر میلاد دې ته ورته کاواکه او له شرمه ډک برید ندی شوی.
د ولسمشر د څرګندونو له مخې؛ هر هغه چا، چې په لومړي ځل چاودنې او ځانمرګي بریدونه افغانستان ته راوړي؛ همغوی د کابل د خونړي بریدمسوول دي.
ښاغلي غني په ډاګه کړې، چې طالبان د دغه برید په غندلو نشي کولی؛ له مسوولیته اوږې سپکې کړي.
هغه دغه راز څرګنده کړې، چې نه یوازې د چاودنو او ځانمرګو بریدونو د روزونکیو ځالې په (ګاونډ هېواد) کې دي، بلکې مالي سرچینې یې هم څرګندې دي.
دغه راز یې له نړیوالې ټولنې وغوښتل، چې د چاودنو او ځانمرګو بریدونو مرکزونه، هېوادونه او حکومتونه دې په منطقي بڼه په ګوته کړي.
د میلاد نبي په دې نمانځغونډه کې د خونړي برید له کبله ۵۵ دیني عالمان وژل شوي او ۹۴ نور ټپیان دي، چې تر دې دمه د دغه خونړي برید پړه هیچا او یا کومې ډلې پرغاړه نده اخیستې.
پولیس وایي، له وړاندې د دې غونډې د امنیت په اړه همغږي نه وه شوې؛ خو د اورانوس هوتل مشر سید سلام برکي وایي، پېنځلسمه امنیتي حوزه خبره وه او د میلمنو او هوتل د امنیت ساتنې ډاډ هم ورکړ شوی و.
هغه زیاته کړې، چې څلور بجې وې، چې ۱۵ حوزې راسره اړیکه ونیوه او د شپې د پروګرام پوښتنه یې وکړه. پېنځ بجې وې، چې څلور پوځیان د هوتل او میلمنو د امنیت لپاره راغلل او مونږ ته یې امنیتي ډاډ راکړ.
د هوټل د باندې امنیتي کمرې لګیدلې وې او تصویرونه یې امنیتي مامورینو له ځان سره د څېړلو په خاطر وړې دي.
اوس هم دا پوښتنه بې ځوابه پاتې ده، چې بریدګر څرنګه وتوانیده هوتل ته او بیا د چاودنې ځای ته ځان ورسوي.
تازه خبرونه
افغانستان او چین په سیمه کې پوره همغږۍ او همکاریو ته اړتیا لري – امیر خان متقي
د بهرنیو چارو وزارت چارسمبالي ویلي، چې په سیمه کې وروستۍ پېښې او پرمختګونه ښیي، چې افغانستان او چین د ګډو ګټو د ساتلو لپاره پوره همغږۍ او همکارۍ ته اړتیا لري.
امیر خان متقي دغه څرګندونې په کابل کې د چین له سفیر ژاوشینګ سره په کتنه کې کړې دي.
د افغانستان بهرنیو چارو وزارت نن (سې شنبه د غویی څلورمه) په یوه خبرپاڼه کې ویلي، چې دواړو لوریو په سیمه کې د افغانستان او چین ترمنځ پر دوه اړخیزو سیاسي، اقتصادي او فرهنګي همکاریو او وروستیو پرمختګونو خبرې کړې دي.
د بهرنیو چارو وزارت چارسمبالي د دواړو هېوادونو ترمنځ د سیاسي، اقتصادي او فرهنګي اړیکو له پراختیا څخه خوښي څرګنده کړه او وایي، چې اسلامي امارت د سوداګرۍ او پانګونې په برخه کې ښه فرصتونه رامنځته کړي دي.
امیرخان متقي وایي: چین ته د انارو او جلغوزیو د صادراتو زیاتوالی او د مس عینک او واخان دهلیز په پروژو کې پرمختګونه د اسلامي امارت د متوازن اقتصادي سیاست ښکاره بېلګې دي.
د بهرنیو چارو وزارت د خبرپاڼې له مخې؛ د چین سفیر له افغانستان سره په بېلابېلو برخو کې شوي پرمختګونه مثبت وګڼل او زیاتوي: چینايي سوداګر او پانګوال به وهڅوي، چې له افغانستان سره د اوږدمهاله اقتصادي همکاریو په برخه کې خپل رغنده رول ولوبوي.
هغه دا ډاډ هم ډاډ څرګند کړی، چې هېواد به یې د واخان دهلېز د مسلې په اړه د دوه اړخیزو همکاریو لارې چارې او امکانات وارزوي.
تازه خبرونه
راشد خان د افغان بیسیم سوداګریز سفیر شو
د افغان بیسیم مخابراتي شرکت څرګنده کړې، چې راشد خان د دې شرکت د سوداګریز سفیر په توګه ټاکل شوی دی.
یاد شرکت په فیسبوک پاڼه کې څرګنده کړې؛ راشد خان ځوان، ټولنیز او نومیالی شخصیت دی، چې د هېواد د کرکټ په ډګر کې ښه ځلیدلی دی.
راشد خان هم په فیسبوک پاڼه کې د افغان بیسیم د سوداګریز سفیر په توګه د ټاکل کېدو په اړه خوښي څرګنده کړې ده.
هغه افغان بیسیم د یو غوره شرکت په توګه یاد کړی او څرګندوي، چې افغان بیسیم د مخابراتو په برخه کې یو مخکښ شرکت دی.
تازه خبرونه
د اسلامي همکاریو ټولنې پلاوي د اروپايي ټولنې له استازې سره ولیدل
د اروپايي ټولنې او اسلامي همکاریو ټولنې استازو په افغانستان کې د بشري او تعلیمي وضعیت په اړه خبرې وکړې.
په افغانستان کې د اروپايي ټولنې چارسمبالې رافایلا یودیچه په کابل کې د اسلامي همکاریو ټولنې له ځانګړي استازي طارق علي بخیت او مل پلاوي سره وکتل.
میرمن یودیچه په ایکس پاڼه کې لیکلي، چې دوی د افغانستان پر بشري، اقتصادي او تعلیمي وضعیت خبرې کړې دي.
هغې زیاته کړې: بنسټیز ملاتړ اوس هم د خلکو لپاره اړین دی. د ښځو غږ باید په افغانستان کې د هر راز خبرو اترو او رغنده تعامل برخه وي.
له دې مخکې د اسلامي همکاریو ټولنې پلاوي د اسلامي امارت له چارواکو سره کتلي دي.
-
نړۍ3 days ago
د جاپان دوه پوځي چورلکې بحر ته وغورځېدې
-
تازه خبرونه16 hours ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
تازه خبرونه3 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی2 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
سیمه ییز خبرونه1 day ago
د ایران ولسمشر پر درې ورځني سفر پاکستان ته ولاړ
-
تازه خبرونه3 days ago
چینایي سوداګر کابل ته د پنجشېر اوبو لیږدولو په پروژه کې پانګونې ته لیوالتیا لري
-
نړۍ15 hours ago
د مالیزیا بحري ځواکونو د چورلکو په ټکر کې ۱۰ کسان مړه شول
-
سوداگري1 day ago
د اوسپنې پټلۍ له لارې ترکیې ته د افغانستان صادرات پیل شول