Connect with us

تازه خبرونه

د ناتو پر هوایي ملاتړ دغزني او روزګان په ګډون په ټول هېواد کې عملیات روان دي

خپور شوی

د

(Last Updated On: لړم ۲, ۱۴۰۱)

د غزني په جاغوري او مالستان ولسوالیو کې د لوی درستیز په مشرۍ د ملي اردو ځمکني عملیات روان دي؛ د مالستان د لومان، زیرک او پاتو سیمې له طالبانو پاکې او د ناتو هوایي ځواکونه د افغان ځواکونو ملاتړ کوي.

امنیتي مسوولین وايي، د غزني او روزګان تر څنګ په ننگرهار، کونړ، کندهار، هلمند، فاریاب، بغلان، سرپل، فراه او هرات ولایتونو کې هم عملیات روان دي، چې په دې لړ کې شاوخوا شپېته سلنه خلک بې کوره شوي دي.

ملي دفاع وزارت وايي، د غزني په مالستان او جاغوري او د روزګان ولایت په خاص روزګان ولسوالیو کې د ملي اردو عملیات پیل شوي او دغه ځواکونه د پرمختګ په حال کې دي.

د ملي دفاع وزارت ویاند غفور جاوید وایي: په ټول هېواد کې په ځانګړي توګه د غزني ولایت په مالستان او جاغوري ولسوالیو کې له طالبانو څخه د ناامنه سیمو د پاکولو ځمکني عملیات روان دي، چې د ځمکنیو عملیاتو مشري یې د پوځ لوی درستیز او هوایي بریدونه یې ناتو رهبري کوي.

د کورنیو چارو وزارت ویاند نجیب دانش وایي: په ټول افغانستان کې په ځانګړي توګه د ناامنه ولایتونو لپاره د ژمي د موسم پراخ عملیاتي پلان او پیل شوي دي.           

طبیعي پېښو ته د لاسرسۍ وزیر نجیب آقا فهیم وایي؛ وروستیو ناامنیو لس زره کورنۍ بې ځایه کړي، چې له پېنځه زره کورنیو سره د خوراکي او غیر خوراکي توکو مرسته شوې ده.

پوځي کارپوه محمد رادمنش وایي، د ناامنیو د پراختیا دلیل د ځواکونو ناسم اکمال او کمزوری مدیریت دی.

پخوانی پوځي اسدالله ندیم وایي: دا هر څه د ښاغلي غني او د هغه د امنیتي ډلې د ناسم سیاست ځېږنده دي.        

دوی له حکومت غواړي، چې د افغانستان د امنیت د خوندیتوب لپاره د امنیتي بنسټونو په مدیریت کې بدلون راولي.

 

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!