تازه خبرونه
د سولې لپاره سیمه ییزه اجماع نده رامنځته شوې-سیاسي رهبران
سیاسي رهبران اندېښنه ښیي، چې اوس هم د افغانستان د سولې لپاره سیمه ییزه اجماع نشته. یعنې حکومت د سیمې هېوادونه، نه دي قانع کړي، چې په کې د سولې له بهیره ملاتړ وکړي.
په افغانستان کې د سولې د ټينګښت لپاره د افغانانو تر منځ له خپلمنځي خبرو ورهخوا د سیمې د هېوادونو رول هم مهم بلل کیږي.
یو شمېر سیاستوال پر افغان چارواکو نیوکې کوي، چې ندي توانیدلي د افغان سولې د ملاتړ لپاره د سیمې هېوادونو ته قناعت ورکړي.
د افغانستان د نهضت همبستګي ګوند رييس سید اسحاق گیلاني وایي؛ په خواشینۍ باید وویل شي، چې تر دې دمه د سولې په اړه سیمه ییزه اجماع نده رامنځته شوې او دا له نړیوالې هغې یو ډېر اړین بهیر دی.
د سولې د بهیر له ګړندي کیدو سره همهاله د سیمې هېوادونو له کلونو راپدیخوا د همکارۍ ډاډ څرګند کړی؛ خو د سیاستوالو په خبره په دې اړه عملي ګامونه پورته شوي ندي.
د ولسي جرګې غړی جعفر مهدوي وایي، چې د سیمې هېوادونه له طالبانو سره د سولې له هوکړې وروسته وېره ښیي؛ اندېښمن دي، چې حکومت یې باید ځواب ورکړي.
د سولې عالي شورا مني، چې اوس هم د سیمې هېوادونه د افغان سولې په اړه یوه خوله ندي؛ خو ولسمشر غني د سولې د سیمه ییزې اجماع لپاره عمر داوودزی خپل ځانګړی استازی ټاکلی او په دې اړه د بېلابېلو اندونو د همغږۍ هڅې کوي.
د سولې عالي شورا د ویاند مرستیال اسدالله زائیري وایي، چې ټولو هېوادونو د سولې له بهیره ملاتړ کړی؛ خو د سولې د بهیر په اړه بېلابېل اندونه وړاندې کوي.
د نوموړي د څرګندونو له مخې؛ د سولې عالی شورا د دارالانشاه رییس او د سولې په اړه د سیمه ییزې اجماع لپاره د ولسمشر ځانګړی استازی محمد عمر داوود زی هڅه کوي، چې د سولې په اړه دغه بېلابېل اندونه همغږي کړي.
لدغو هڅو سره همهاله واشنګتن هم د افغان سولې د سیمه ییزې اجماع لپاره خپلې هڅې ډېرې کړي او دا دی زلمي خلیلزاد سیمې ته د همدې موخې لپاره پېنځم سفر پیل کړی دی.
په کابل کې د امریکا سفارت مرستیال وایي؛ هڅې روانې دي، چې د افغانستان له سولې څخه د ملاتړ لپاره ګاونډ او د سیمې هېوادونه قانع کړو.
ولسمشر اشرف غني وایي، چې یو شمېر ګاونډ هېوادونه د هغه افغانستان غوښتونکي دي، چې(غني) په کې نه وي. افغانستان اوس خپل تدبیر موندلی او هغو په کې د خپلو ګټو خطر احساس کړی دی.
د ملي وحدت حکومت د سولې د سیمه ییزې اجماع لپاره د څو مهمو کنفرانسونو کوربتوب وکړ؛ دوه ځله په همدې موخه په کابل کې کنفرانسونه جوړ شوی او څه وخت وروسته به یې درېیم هغه هم جوړ شي. وګورو، چې لدې وروسته به دغې موخې ته ورسیږو او کنه.
خبریال: شاهپور فرهمند
تازه خبرونه
د کورنيو توليداتو د کيفيت او صنعتي ودې لپاره دې هڅې ګړندۍ شي – مولوي عبدالکبير
د ریاست الوزراء سياسي مرستیال مولوي عبدالکبير د سې شنبې پر ورځ ( د وري اتهویشتمه ) په سپېدار ماڼۍ کې د صنعت او سوداګرۍ وزارت له چارسمبالي نورالدين عزيزي سره وکتل.
نورالدین عزيزي ويلي، له ګاونډ هېوادونو سره ښې سوداګريزې اړيکې د دې لامل شوي، چې په هېواد کې دننه بيې په ښه حالت کې پاتې شي او د لارو بندېدا به پر بازار منفي اغېز ونکړي.
عزیزي زیاته کړې؛ د صنعت او سوداګرۍ وزارت له خصوصي سکټور سره همکار دی، چې له اغېزې یې خصوصي سکتور هم په سمه توګه فعالیت کوي او اسلامي امارت ورته لازمې اسانتیاوې برابرې کړې دي.
د نوموړي د څرګندونو له مخې؛ د اسلامي امارت د ښې اقتصادي پالیسۍ پر بنسټ د سیمې له هېوادونو سره په صادراتو او وارداتو کې د پام وړ پرمختګونه شوي دي. همدارنګه د افغانستان محصولات د منځنۍ آسیا په هېوادونو کې ښه بازار لري او د بازار موندنې لپاره یې په نورو بازارونو کې هم نندارتونونه جوړ کړي دي.
دغه راز مولوي عبدالکبیر د سوداګرۍ او صنایعو وزارت د رهبرۍ له هڅو ستاینه وکړه او څرګندوي: د امارتي ادارو بېسارې هڅې او د افغانۍ د بیې ثبات د دې لامل شوی، چې د خوراکي توکو بیې په ټیټه بیه کې پاتې شي او خلک مو د اړینو توکو د پیرودلو وس ولري.
مولوي عبدالکبیر له ګاونډ هېوادونو سره په سوداګرۍ کې د انډول پر ساتلو د ټینګار ترڅنګ زیاته کړې، چې د کورنیو تولیداتو د ښه کیفیت او د صنعت د ودې او پراختیا په برخه کې باید نورې هڅې هم وشي.
تازه خبرونه
روسیې او تاجکستان د افغانستان پولې ته نږدې ګډ پوځي تمرینات پیل کړل
د روسيې دفاع وزارت په خبرپاڼه کې راغلي؛ دغه پوځي روزنیزې هڅې د اپرېل پر پنځلسمه پيل شوي او د اپرېل تر اتلسمې به روانې وي، چې د ترسره کېدو موخه يې له ناقانونه وسلهوالو ډلو سره د مبارزې او د دولتي پولو ساتنه ده.
د روسيې دفاع وزارت زیاته کړې: د دغو پوځي روزنیزو هڅو د پرانستلو مراسم د تاجکستان د ختلان سيمې د خرب – میدون په غرنۍ دښته کې ترسره شول. دا دوه اړخیزې روزنیزې هڅې به د اپریل له پېنځلسمې څخه تر اتلسمې پورې روانې وي.
د روسیې دفاع وزارت ویلي، چې په دغو ګډو هحو کې د ترهګرو ډلو د له منځه وړلو لپاره د وسلهوالو ځواکونو د کارولو تنظیم، په غرنیو شرایطو کې د دندو د ترسره کولو لپاره د ځواکونو چمتو کول او د روزنې او عملي تجربې موضوع شامله ده. د روسیې پوځي ډله، چې په هڅو کې برخه اخلي په ټولیزه توګه په تاجکستان کې میشت د ۲۰۱ پوځي اډې سرتېري دي، چې د دې هېواد له پولو بهر د روسیې ترټولو لویه پوځي اډه ده.
د ګډ امنیتي تړون ټولنې غړي هېوادونه له افغانستان څخه د ګواښونو پر زیاتوالي اندېښمن دي او د دغو ګواښونو د مخنیوي لپاره پر همکارۍ ټینګار کوي. تاجکستان، قزاقستان، قرغزستان، ارمنستان، بیلاروس او روسیه د ډله ییز امنیتي تړون غړي دي.
په افغانستان کې له ۲۰۲۱ کال راپدیخوا روسیې او تاجکستان د لومړي ځل لپاره له افغانستان سره پولې ته څېرمه ګډ تمرینونه وکړل.
په ورته وخت کې اسلامي امارت د هېوادونو اندېښنې بې بنسټه بولي او وايي، چې د افغانستان خاوره به د هېڅ هېواد پر ضد ونه*کارول شي.
تازه خبرونه
د رسنیو سرغړونې کمیسیون د دوه ټلویزیوني شبکو د تړلو سپارښتنه وکړه
د باختر خبري سرچینې د څرګندونو له مخې؛ د سې شنبې پر ورځ ( د وري ۲۸ ) د رسنیو د سرغړونو مخنیوي کمیسیون د نور او بریا ټلویزیونونو ته سپارښتنه کړې، چې خپرونې ودروي او محکمې ته حاضر شي.
ویل کیږي، چې د دغو شبکو پر وړاندې پرېکړه د ژورنالیزم د اصولو نه مراعاتولو له کبله رامنځته شوې ده.
-
لوبی2 days ago
د افغانستان اتلانو ليګ د درېيم پړاو سیالیو پچهاچونه پای ته ورسېده
-
ساینس او ټیکنالوژي2 days ago
اپل شرکت د نړۍ د تر ټولو د لوی ګرځند پلورونکي دریځ له لاسه ورکړ
-
سیمه ییز خبرونه3 days ago
پر ایران به د اسرائیلو برید له سخت ځواب سره مخ شي
-
سیمه ییز خبرونه4 days ago
ایران پر اسرائیلو د بې پیلوټه الوتکو او توغندیو غچ اخیستونکی برید ترسره کړ
-
تازه خبرونه2 days ago
د کابل په هوايي ډګر کې د ۲۰۲۱ ز. کال ځانمرګی بریدګر عبدالرحمن لوګری و- امریکا
-
نړۍ3 days ago
امریکا به پر ایران د اسرائیلو په ځوابي برید کې برخه وانخلي
-
تازه خبرونه1 day ago
ازبکستان، سعودي عربستان او قطر پر افغانستان او افغان – ټرانس پټلۍ خبرې وکړې
-
نړۍ13 hours ago
امريکا او متحدین یې پر ايران د نورو بنديزونو لګولو هڅې کوي