Connect with us

تازه خبرونه

د سلګونه زره هکتاره ځمکو د خړوبولو هڅې روانې دي

خپور شوی

د

(Last Updated On: لړم ۲, ۱۴۰۱)

د اوبو او برښنا وزارت وایي؛ د کرنیزو محصولاتو د پراختیا لپاره د اته اویا میلیون دالرو پر ارزښت د اوبو کانالونه جوړيږي، چی سلګونه زره هکتاره ځمکه به خړوبه کړي.

د اوبو او برښنا وزارت مرستیال وايي؛ د هېواد په شمال ختیځو ولایتونو بدخشان، کندوز، تخار، بغلان او بامیانو کې د ۲۱ کانالونو د جوړولو چاري پیل شوي او تر ۲۰۲۳ کاله به ګټې اخستنې ته وسپارل شي، چې نږدې ۷۴۵۰۰ زره هکتاره ځمکه پرې خړوبيږي.

د غه وزارت مرستیال عبدالبصیرعظمي وایي؛ مونږ غواړو، چي د کرني بهیر معیاري او خپلي اوبه هم مدیریت کړو. له دغه کاره زمونږ موخه داده، چې خپل کرنیز محصولات ډېر کړو.

د هېواد صنعتکارانو ټولنې مسوولینو ويلي، د اوبو او انرژۍ وزارت جوړیدونکي کانالونه به کرنیز محصولات ډېر کړي؛ خو دوۍ هیله څرکندوي، چي باید د معیاري بسته بندۍ او پروسس لپاره هم باید حکومت پاملرنه وکړي.

د سوداګرۍ خونې غړی جلال الدین سعید وایي، د نويو کانالونو له کیندلو سره به مو کرنیزې ځمکې، باغداري او محصولات ډېر شي؛ خو پروسس او دسته بندي يې هم جدي اړتیا ده.

د اقتصادي چارو یو شمېر کارپوهان وايي، چي که حکومت او سکتوري وزارتونه د کرنې وده او پراختیا غواړي؛ نو باید د شاړو ځمکو د زرغونولو لپاره کانال جوړولو ته پاملرنه راواړوي.

د اقتصادي چارو کارپوه ذبیح الله زیارمل وايي، چې د هېواد په کچه مو باید کرنیزو محصولاتو ته کار وشي؛ د دولتي او خصوصي سکتورونو پاملرنه دې د شاړو ځمکو خړوبولو ته راوګرزول شي.

د مسوولینو د څرګندونو له مخې؛ د کانالونو په کیندلو کې د کرنې وزارت او نورې اړوند ادارې باید همغږې شي او خپلې دغه پروژې په پوره ډاډ تر سره کړي، چې د کرنیزو محصولاتو د بشپړې پراختیا لامل شي.

خبریال: اسلم حجاب

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!