تازه خبرونه
د خلکو د قناعت د تر لاسه کولو پورې به د تذکرو وېش ځنډیدلی وي
اجرائیه ريیس عبدالله عبدالله د برښنايي تذکرو ځنډول پر ځای ګام بولي او وايي، چې د تذکرو په اړه باید د خلکو قناعت تر لاسه او بیا یې وېش پیل شي.
ولسمشرۍ تېره اوونۍ د برښنايي تذکرو وېش وځنډاوه اوس اجرائیه ريیس عبدالله عبدالله وايي، چې د تذکرو د وېشلو ځنډول یو پرځای ګام دی.
د ملي وحدت حکومت اجرائیه رییس عبدالله عبدالله وایي؛ حکومت له ملي شورا سره د برښنايي تذکرو پر سیاسي، حقوقي او قانوني اړخونو جدي خبرې کوي، چې له هوکړې وروسته به یې وېش پیل شي.
د هغه په باور؛ د برښنايي تذکرو په اړه په ملي کچه خبرو اترو ته اړتیا ده. که څه هم د برښنايي تذکرو د ادارې مسوولین وايي، چې دغه بهیر هیڅ ډول قانوني او حقوقي ستونزه نلري؛ خو اوس هم په ملي شورا کې د افغان کلیمې په اړه موافق او مخالف نظرونه شته دي.
د ولسي جرګې یو شمېر غړي، چې ځانونه افغانستانی بولي؛ افغان او افغانیت د ملي هویت په توګه نه مني او د افغانستان واحد ملت پر ملیتونو وېشل غواړي.
د ولسي جرګې غړی عبدالطیف پدرام د افغان کلمه ستونزمنه بولي؛ او وایي، چې افغان هویت پر نورو قومونو تپل کیږي، چې دا د منلو وړ نه ده.
د ولسي جرګې غړې فوزیه کوفي وایي، ولسمشر د هېواد د لومړي کس په توګه نفاق ته لمن وهي او نه غواړي هغه قانون، چې خپله یې توشیح کړی، پلی کړي.
د برېښنايي تذکرو د ادارې مسوولین بیا د ولسمشر لخوا د تذکرې اخیستو ته په تمه دي، چې ورپسې پر خلکو د دغو تذکرو وېش پیل کړي.
د وګړیو د ثبت ادارې ویاند روح الله احمدزی وايي، چې د برښنايي تذکرو په اړه قانوني او حقوقي ستونزه نشته او مسوولین يې ټينګار کوي، چې د هیچا نا روا غوښتنې به ونه مني.
ټاکل شوې وه، چې د برښنايي تذکرو وېش تېره اوونۍ پیل شوی وای؛ خو ولسمشر دغه بهیر د یو لړ اختلافاتو تر حله وځنډاوه.
تازه خبرونه
د داعش خراسانی مشر د پاکستان په بلوچستان کې دی – رویټرز
رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.
د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.
رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.
رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.
د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.
له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.
د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.
ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.
تازه خبرونه
د رښتر پر کچه ۵ اعشاریه ۲ درجې زلزلې افغانستان ولړزاوه
د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.
دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.
دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.
تر اوسه د دې پېښې د ځاني او مالي زیان په اړه څه ندي ویل شوي.
تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.
تازه خبرونه
د بیات بنیاد د روژې مرسته د بلخ ولایت اړمنو ته ورسېده
بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.
د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.
نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.
هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.
بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.
-
تازه خبرونه3 days ago
په پاکستان کې ځانمرګي د ۵ چینايي انجینرانو په ګډون ۶ کسان ووژل
-
سوداگري4 days ago
افغانستان ته د پاکستان راغلی پلاوی پر اقتصادي همکاریو خبرې کوې
-
تازه خبرونه4 days ago
بیات بنیاد په ننګرهار کې اړمنو کورنیو ته د روژې مرستې ووېشلې
-
تازه خبرونه5 days ago
په هرات کې له ۵۰۰ ډېر لرغوني آثار موزیم او آرشیف ته سپارل شوي
-
تازه خبرونه2 days ago
په کابل کې سلګونه اړمنې کورنۍ د بیات بنیاد د روژې له مرستو برخمنې شوې
-
تازه خبرونه4 days ago
د پاکستان په تورخم کې سرحدۍ ځواکونو د فډرالي څېړنو ادارې ۶ کارکوونکي وهلي
-
سوداگري3 days ago
د افغانستان او پاکستان د سوداګرۍ استازیو پر ننګونو خبرې وکړې
-
سیمه ییز خبرونه3 days ago
په بلوچستان کې د پاکستان د بحري ځواک پر هوايي اډه وسلوال برید وشو