عاجل خبرونه

د روزګان ولایت په چارچینو ولسوالۍ کې ۱۹ سرتېري وژل شوي

(Last Updated On: May 31, 2019)

د روزګان په مرکز ترینکوټ کې یوې امنیتي سرچینې ویلي، چې د تېرې شپې له ۱۰ بجو څخه وروسته د دې ولایت د چارچینو ولسوالۍ پر امنیه قومندانۍ، د ملي اردو پر قرارګاه او د ملي امنیت پر مدیریت د وسلوالو طالبانو له لوري ډله ییز بریدونه شوي او په دې جګړه کي ۱۹ امنیتي سرتېري هم وژل شوي او اوس هم جګړه روانه ده.

د سرچینې د څرګندونو له مخې؛ وسلوالو طالبانو د دې ولسوالۍ امنیه قومنداني نیولې او اوس جګړه د ملي امنیت پر مدیریت روانه ده.

سرچینه زیاتوي، که یادې ولسوالۍ ته بېړنۍ مرستې ونه رسیږي؛ نو ټوله ولسوالي او په یاده ولسوالۍ کې به میشت سرتېري د وسلوالو طالبانو لاس ته ولویږي.

انڅور له آرشیفه.

خبریال: بریالی رحیمي

About Ariana News

Avatar

Check Also

سپینې ماڼۍ د اسامه بن لادن د زوی مرګ ښکاره کړ

(Last Updated On: September 14, 2019)د امریکا ولسمشر دونالد ترمپ ښکاره کړې، چې د القاعده …