Connect with us

تازه خبرونه

د امریکا او طالبانو تر منځ د سولې خبرې دریدلې دي-سرچینې

خپور شوی

د

(Last Updated On: لړم ۳, ۱۴۰۱)

طالبانو ته نږدې سرچینو ویلي، چې په وروستیو ناستو کې امریکا پر طالبانو فشار راوړ او له دې کبله خبرې د بندون له روان حالت سره مخامخ شوې دي.

په داسې حال کې، چې د سولې خبرو لپاره هڅو زور اخیستی؛ طالبانو ته نږدې سرچینو ویلي، چې له امریکا سره د طالبانو خبرې دریدلې دي.

دا سرچینې په ډاګه کوي، خبرې؛ ځکه دریدلي، چې پر طالبانو د امریکا سیاسي فشار زیات شوی دی.

په پاکستان کې د طالبانو د وخت سفیر عبدالسلام ضعیف وایي، چې د سولې په بهیر کې د کابل او امریکا تېروتنه دا وه، چې یوشمېر هېوادونه یې د پاکستان او عربستان په ګډون په وروستیو ناستو کې ښکېل کړي دي.       

د سولې عالي شورا وایي، له طالبانو سره د امریکا، سعودي عرستان، عربي متحده اماراتو او پاکستان د استازیو د ناستې لپاره هڅې روانې دي او ممکن دا حالت پای ته ورسیږي.

د سولې عالي شورا مرستیال عطاالرحمان سلیم وایي؛ د خبرو له دریدو سره سره، چې کله ناکله پېښیږي ډاډمن یو، چې د سولې په بهیر کې به د بریالیتوبونو لیدونکي واوسو.

هغه ټینګار کړی، چې د طالبانو اکثره غوښتنې دې ډلې ته ارزښت لري او له همدې کبله به پرې کورني او بهرني فشارونه ‌ډېر شي.

ځینو لویدیځو رسنیو ویلي، چې له طالبانو سره د خبرو بهیر په قطر کې د عربستان او عربي متحده اماراتو د استازیو د نه ګډون په خاطر دریدلی دی.

د دغه راپور د څرګندونو له مخې، طالبان ټینګار کوي، چې د دوی او امریکایانو خبرې دې د قطر په پلازمېنه دوحه کې تر سره شي.

د ولسمشریزو ټاکنو احتمالي نوماند شیدا محمد ابدالي ویلي: فکر کوم څه نیمګړتیاوې شته؛ مونږ د سولې یوې ملي تګلارې ته بشپړه اړتیا لرو، چې خلک د سولې پر ملي بهیر ډاډه شي.         

په همدې حال کې ولسمشر غني د پاکستان له لومړي وزیر عمران خان سره په تیلیفوني خبرو کې د سولې پر بهیر ټینګار کړی دی. په دې تیلیفوني خبرو کې ولسمشر اشرف غني له عمران خان څخه افغانستان ته د سفر او عمران خان ولسمشر غني ته د پاکستان د سفر بلنه ورکړې ده.

دا په داسې حال کې ده، چې د سیمې هېوادونو او افغانستان ته له سفر وروسته د افغانستان د سولې لپاره د امریکا ځانګړی استازی زلمی خلیلزاد اوس پاکستان ته تللی او ټاکل شوې له پاکستاني چارواکو سره په  کتنه کې له طالبانو سره د خبرو پر څرنګوالي بحث وکړي.

خلیلزاد د طالبانو وروستۍ اعلامیې ته په غبرګون کې تېره ورخ یوې ناستې ته وویل، چې کابل او واشنګتن پر یوه وخت له طالبانو سره هم د سولې او هم د جګړې لپاره چمتو دي.

خبریال: شاهپور فرهمند

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!