Connect with us

تازه خبرونه

د امریکا د سولې استازی په کابل کې له خبرو وروسته مسکو ته روان شو

خپور شوی

د

(Last Updated On: لړم ۲, ۱۴۰۱)

د افغانستان د سولې لپاره د امریکا د بهرنیو چارو وزارت ځانګړی استازی زلمی خلیلزاد په پاکستان کې له تمکیدو او د حکومت له چارواکو سره له خبرو وروسته د پنجشنبې پر ورځ( د لیندۍ ۱۵) له غرمې مخکې کابل ته راورسید او د ملي وحدت حکومت له مشرانو سره له خبرو وروسته د مسکو پر لوري روان شو. 

د ولسمشرۍ د خبرپاڼې له مخې؛ ولسمشر اشرف غني د پنجشنې پر ورځ له غرمې مخکې د افغانستان د سولې لپاره د امریکا د بهرنیو چارو وزارت له ځانګړي استازي داکتر زلمي خلیلزاد سره وکتل.

په دې کتنه کې، چې د ارګ په ګلخانې ماڼۍ کې تر سره شوه؛ اجرائیه رییس داکتر عبدالله عبدالله هم حضور درلود.

داکتر خلیلزاد ولسمشر ته په افغانستان کې د سولې د هڅو په خاطر د سیمې ځینو هېوادونو ته د خپل سفر په اړه معلومات ورکړل او سیمې ته یې د خپلو راتلونکیو سفرونو په اړه هم خبرې وکړې.

ولسمشرغني د افغانستان د سولې لپاره د امریکا د بهرنیو چارو و زارت ځانګړي استازي هڅې وستایلې او څرګنده یې کړه، چې افغان حکومت په ژنیو کنفرانس کې د سولې په اړه خبرې کوونکي کسان اعلان کړل او په افغانستان کې د سولې د خوندي کولو لپاره مونږ ټینګه اراده لرو.

افغان ولسمشر دا هم ویلي، د سولې ګډې هڅې باعزته او پایداره سولې ته د رسېدو په برخه کې  له موږ سره مرسته کوي.

په کابل کې د امریکا سفارت په یوه خبرپاڼه کې په ډاګه کړې، چې ښاغلی خلیل زاد د ملي وحدت حکومت له مشرانو سره له لیدنې وروسته  غرمه مهال د سولې خبرو لپاره د روسیې پلازمېنې مسکو ته ولاړ.

زلمي خلیلزاد لدې د مخه پاکستان ته سفر درلود او د هغه هېواد له لومړي وزیر عمران خان او نورو لوړ پوړو چارواکو سره پر افغان سوله غږیدلی دی.

د افغان سولې په اړه دا د زلمي خلیلزاد درېیم سفر دي، چې سیمې ته یې تر سره کوي.

که څه هم طالبان لا تر اوسه نه دي حاضر شوي، چې له دولت سره خبرو ته کیني؛ خو د سولې عالي شورا ویاند سید احسان طاهري وایي، اوس د تېر په پرتله طالبان له دولت سره خبرو ته هیله من شوي او لکه څنګه، چې مونږ د مرکچي پلاوي نوملړ اعلام کړی؛ دوی هم باید ژر د خپل مرکچي پلاوي نومونه په ډاګه کړي.

طالبانو مخکې ویلي وه؛ د خبرو لوری یې امریکا دی، نه افغان حکومت. دا هغه څه دي، چې کولی شي د افغانانو په مشرۍ او مالکیت د سولې خبرو مساله تر پوښتنې لاندې راولي.

یوشمېر سیاسي څېرو څرګنده کړې، چې له هرې ممکنه لارې څخه په استفاده باید طالبان روغه وکړي او د پخلاینې لپاره دولت هم قرباني ورکړي.

د افغانستان د اسلامي نهضت مشر سید اسحاق ګیلاني وایي: طالبان اوس پوه شوي، چې څه وخت او له چاسره خبرې وکړي. دغه راز هغوی ښاغلی خلیلزاد د امریکا د استازي په توګه منلی دی او ورسره د سولې خبرې کوي.          

داسې باور هم کیږي، چې که د سولې خبرې د افغانانو په مشرۍ نه وي، ممکن د جګړې پر پای اغېز ولري.

د حرکت انقلاب اسلامي ګوند رییس عبدالحکیم منیب وایي:  د افغانانو له حاکمیت پرته به سوله د جنګ د پای ته رسیدو معنا ونلري او ښکېلې خواوې باید دا په نظر کې ونیسي.       

حکومت د خلیلزاد رول ګټور بولي او  نور ډېر لوري یې؛ ځکه ګټور ګڼي، چې طالبانو هم څو ځله په قطر کې له ده سره کتلي دي.

د طالبانو پخوانی غړی سید اکبر آغا وایي: خلیلزاد کولی شي د سولې خبرې آسانه کړي او له شک پرته نوموړی په دې خبرو کې اغېزمن دی.            

پاکستان ته د زلمي خلیلزاد له سفر دوه درې ورځې مخکې ترمپ د هغه هېواد لومړي وزیر ته په یوه استول شوي لیک کې غوښتي وه، چې طالبان د سولې خبرو میز ته حاضر کړي او پدې اړه همکاري وکړي.

ټاکل شوې، چې خلیلزاد به د مسکو  له سفر وروسته د سیمې نورو هېوادونو ته هم سفر وکړي.

دا په داسې حال کې ده، چې د امریکا د سولی هڅو سره همهاله دناتوسرمنشی هم د ترهګرو د تحرکاتو ترختمیدو په افغانستان کي د خپلو سرتېرو پر شتون ټینګار کړی دی.

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!