تازه خبرونه
د امریکا استازی خلیلزاد له کابل وروسته اسلام آباد ته رسیدلی
د افغانستان لپاره د امریکا د بهرنیو چارو وزارت ځانګړي استازي له افغان چارواکو سره له خبرو اترو وروسته د سې شنبې پر ورځ(د تلې ۱۷) په دوه ورځني سفر اسلام آباد ته رسیدلی دی.
پاکستانيو رسنیو ویلي، چې خلیلزاد به د پاکستان د بهرنیو چارو له وزیر سره وویني او د سفر مهمه موخه یې د افغانستان پر سوله خبرې دي.
زلمی خلیلزاد اوس د افغانستان د سولې لپاره په پاکستان کې دی، چې د اووه لس کلنې جګړې لپاره یوه سوله ییزه حل لار پیدا کړي.
په ښکاره خلیلزاد هڅه کوي، چې د پاکستان نوی حکومت له طالبانو سره د سولې خبرو ته وهڅوي او دغه بهیر ته یې ورګډ کړي.
د امریکا سفارت وایي، استازی به یې له پاکستان وروسته د سیمې نورو هېوادونو ته هم سفرونه ولري.
د اجرائيه ریاست ویاند مجیب رحمان رحیمي د خلیلزاد د سفر په اړه وایي: نوموړي خپل سیمه ییز سفر پیل کړی دی. مونږ هیله من یو، چې د سولې هلې ځلې به یې غوره پایلې ولري.
خلیلزاد تل د پاکستان پر سیاستونو نیوکې کړي او د افغانستان د سولې په بهیر کې یې ګډون دا هیلې رامنځته کړي، چې کیدی شي پاکستان راضي او طالبان د سولې خبرو ته وهڅوي.
د (افغانستان د ملي نهضت رییس سید اسحاق گیلاني) وایي؛ زه هیله من یم، چې خلیلزاد به افغانستان ته له نوي فکر سره راغلی وي او د سفارت د مهال فکر به یې زمونږ د ګاونډ پاکستان په اړه هیر کړی وي.
ناتائید شوي راپورونه وايي؛ خلیلزاد په دوبۍ کې د طالبانو له استازیو سره کتلي، خو ځینې سیاست وال وایي: هیڅ تمه نشته، چې طالبان د امریکا له دې استازي سره اوس وګوري.
پخوانی طالب سید اکبرآغا وایي؛ زه فکر نه کوم، چې طالبانو له خلیلزاد سره لیدلي وي.
بنسټیزه خبره دا ده، چې آیا خلیلزاد کولی شي د افغانستان غوښتنې پر ځای کړي؛ ځکه د امریکایانو دا ماموریت ستونزمن یادیږي.
په دې اړه د اطلاعاتو او فرهنګ پخوانی وزیر سید مخدوم رهین وایي: څومره، چې خلیلزاد افغانستان پېژني او په سیمه کې له اړیکو برخمن دی؛ د افغانستان د سولې خبرې به آسانه کړي.
اجرایي ریاست وایي، زلمی خلیلزاد به د پاکستان تر څنګ عربي متحده اماراتو، قطر او سعودي عربستان ته هم ولاړ شي.
پاکستان ته له روانیدو مخکې خلیلزاد له ولسمشر غني او نورو سیاسي او تنظیمي چارواکو سره کتلي دي.
خبریال: علی اصغري
تازه خبرونه
ایران او پاکستان د افغانستان په اړه ګډه اعلامیه خپره کړه
ایران او پاکستان په یوه ګډه اعلامیه کې د یو سولهییز، متحد، خپلواک او له ترهګرۍ او نشهیي توکو قاچاق څخه د پاک افغانستان په اړه پخپلو ژمنو ټینګار څرګند کړی دی.
دواړو لوریو د ترهګریزو ډلو شتوالي ته په افغانستان کې نغوته کړې، چې سیمې او نړۍ ته امنیتي ګواښ دی؛ نو پر وړاندې یې پر مبارزه، همکارۍ او متحدې جبهې جوړولو ټینګار کړی دی.
دوی دغه راز د سیمې د امنیت او ثبات د ډاډمنولو لپاره د سیمهییزې او نړیوالې همغږۍ د اړتیاوو پر اهمیت خبرې کړې دي.
دواړه لوري د افغانستان حاکمیت او ځمکنۍ بشپړتیا ته د احترام کولو تر څنګ څرګندوي؛ د دې هېواد ټولې خواوې باید په بنسټیزو پرېکړو کې ونډه ولري، چې په هېواد کې د سولې او ثبات لامل شي.
تازه خبرونه
له ۱۰۰۰ ډېر افغان مهاجرین له پاکستان څخه جبري وایستل شول
د مهاجرینو چارو وزارت ویلي، چې د غویي پر څلورمه د سپین بولدک له فرضي کرښې څخه ۱۰۰۱ افغان مهاجرین پر جبري بڼه خپل هېواد ته راستانه شول.
د کندهار سپین بولدک سرحدي آمریت د راپور له مخې؛ ۱۹۱ کورنۍ، چې ۹۹۸ کسان دي او درې کسان نور، چې له بنده ازاد شوي؛ په جبري توګه له پاکستان څخه هېواد ته راستانه شول.
د مهاجرینو چارو وزارت د څرګندونو له مخې؛ د مهاجرینو چارو له ریاست سره له نوم لیکنې وروسته د نورو مرستو لپاره د ملګرو ملتونو عالي کمېشنرۍ، د مهاجرت او د خوړو نړیوالې ټولنې دفترونو ته ور وپېژندل شول.
دغه راز له ۱۸ کلونو کم عمره دوه کسان، چې بندیان ول د مرستې لپاره OMPO موسسې ته ور پېژندل شوي.
ویل کیږي، چې له هرې کورنۍ سره د حکومت له لوري لس – لس زره افغانۍ نغدي مرسته هم شوې ده.
تازه خبرونه
د ټرانسپورټ او هوايي چلند وزارت چارسمبالي د ازبکستان په شپږ اړخیزه غونډه کې ګډون وکړ
د ټرانسپورټ او هوايي چلند وزارت چارسمبالي حميدالله اخوندزاده پرون (سې شنبه د غویی څلورمه) د يوه پلاوي پر مشرۍ ازبکستان ته سفر کړی او د دې هېواد پر کوبتوب یې د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ په شپږ اړخيزه غونډه کې ګډون وکړ.
د افغانستان پلاوي په دې کتنه کې د نورو هېوادونو له استازیو سره د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ د شپږ اړخيز دهليز له لارې د راکړې ورکړې د پراختيا په اړه خبرې وکړې.
د ټرانسپورټ او هوايي چلند وزارت ويلي، چې د دې غونډې په څنډه کې د دغه وزارت چارسمبالي د روسیې او بلاروس د ټرانسپورټ له مرستیالانو سره هم وکتل.
دغه راز د ټرانسپورت او هوايي چلند وزارت چارسمبالي د روسيې او بېلاروس د ټرانسپورټ وزارتونو له مرستيالانو سره د افغانستان او روسيې، افغانستان او بېلاروس ترمنځ د ټرانزيټي لارو د پراختيا او د ټرانسپورټي اسانتياوو د برابرولو په اړه خبرې وکړې.
ویل کیږي، چې د ټرانسپورټ او هوايي چلند وزارت چارسمبالي د افغانستان په چارو کې د ازبکستان د ولسمشر ځانګړي استازي او د ټرانسپورټ له وزیر سره دوه اړخیزې ناستې کړي او د دواړو هېوادونو ترمنځ یې د ټرانزیټ پر پراختیا بحث او خبرې کړې دي.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
تازه خبرونه2 days ago
راشد خان د افغان بیسیم سوداګریز سفیر شو
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ