تازه خبرونه
د امریکا دفاع وزارت په افغانستان کې خپله پوځي کړنلاره بدلوي
د امریکا دفاع وزارت وایي، اوس هم د طالبانو کړنلاره د جګړې پر دوام ولاړه ده؛ له همدې کبله د دې ډلې پر وړاندې نوې جنګي تګلاره کارول کیږي او په هغو سیمو کې به د امریکایي ځواکونو حضور پراخ شي، چې تر ګواښ لاندې دي.
په افغانستان کې جګړه د پراختیا په حال کې ده او د افغان ځواکونو ماموریت هم له بېلابېلو ستونزو سره مخ شوی دی. په دې جګړه کې د افغان ځواکونو د تلفاتو له زیاتیدو سره جوخت د امریکا دفاع وزیر د یوې داسې کړنلارې د عملي کولو خبره کوي، چې د افغان ځواکونو تلفات به ورسره لږ شي.
هغه په دې اړه د ډېرو جزیاتو له ورکولو ډډه کوي؛ خو دا یې ویلي، چې د دغه پروګرام له مخې به افغان ځواکونو ته لازم امکانات ورکړ شي، چې په تر ګواښ لاندې سیمو کې له طالبانو سره وجنګیږي.
د امریکا دفاع وزیر جیمز متیس وایي، چې هغوی(طالبانو) تېر کال افغان او امریکايي ځواکونو ته ستر تلفات واړول؛ له همدې کبله مونږ د طالبانو د کړنلارې له مخې، چې د جګړې پر دوام ولاړه ده، خپل تکتیکونه بدلوو او په یو شمېر سیمو کې به خپل پوځي حضور پراخ کړو.
د سویلي آسیا لپاره د دونالد ترمپ د کړنلارې له مخې، ډېر تمرکز د داعش پر ځپلو او په زیاترو مواردو کې له طالبانو سره په جګړه کې بوختو افغان سرتېرو ته پر مشورو ور ټول و.
پوځي شنوونکی اسدالله ندیم وایي، چې د افغان ځواکونو د تلفاتو لوی لامل د امریکایي ځواکونو د ناکره تاکتیکونو کارول دي. دوی باید کلونه مخکې خپل جنګي تاکتیکونه نوي او د افغانستان له شرایطو سره سم کړي وای.
د نوموړي د څرګندونو له مخې؛ د امریکایي ځواکونو تاکتیکونه ډېر د تکنالوژۍ پر بنسټ ولاړ دي نه پر بشري ځواک.
امریکایي رسنیو د امریکا د پوځي چارواکو له قوله څرګنده کړې، چې د لومړي ځل لپاره به د ملي ګارد څلور سوه سرتېري په را روان ژمي کې افغانستان ته د یوه غیرمحاربوي ماموریت د تر سره کولو لپاره ولاړ شي.
د امریکا ملي ګارد، چې په سرې قطعې هم شهرت لري؛ په لومړۍ نړیوالې جګړې او د عراق په جګړه کې یې ښې کارکړنې درلودلې دي.
پوځي شنوونکی جاوید کوهستانی وایي؛ زمونږ د ځمکني ځواک هوایي ملاتړ ته دې راودانګي او د دښمن پر پوځی مرکزونو دې بریدونه وکړي، چې نه یوازې ووېشل شي، بلکې د پراخو هڅو مخه یې هم ونیول شي.
د افغانستان د سږ کال جګړه د سوریې د جګړې په تناسب ډېره خونړۍ یاده شوې؛ ځکه دې جګړې د امنیتي بنسټونو په وینا، هره ورځ په منځني توګه د دېرش افغان سرتېرو او منسوبینو ژوند اخیسی او د وسلوالو مخالفانو تلفات هم درې برابره زیات ښودل کیږي.
د ترمپ له کړنلارې تمه دا وه، چې افغان حکومت ته به ګټه ورسوي؛ خو ورځ تر بلې د ناامنیو لمن ور سره پراخه شوه.
خبریال: شاهپور فرهمند
تازه خبرونه
افغان او ایراني حکومتي مشرانو د سیاسي، اقتصادي، سوداګریزو او ټرانزیټي اړیکو پر پياوړتیا خبرې وکړې
د ریاستلوزراء اقتصادي مرستیال ملا عبدالغني برادر او د حکومت یو شمېر وزیرانو د ایران د ولسمشر له ځانګړي استازي او په کابل کې د ایران له سفیر حسن کاظمي قُمي سره وکتل.
د ریاست الوزراء د مرستیالۍ دفتر ویلي؛ د لیدنې پر مهال د سیاسي، اقتصادي، سوداګریزو او ټرانزیټي اړیکو پر پياوړتیا او په بېلابېلو برخو کې پر دوه اړخیزو همکاریو خبرې وشوې.
د ریاست الوزراء اقتصادي مرستیال د افغانستان او ایران اړیکې ښې او مثبتې وبللې او څرګندوي، چې د اړیکو د پراختیا او پياوړتیا لپاره ګډ کار ته اړتیا ده.
ملا برادر وایي: سږ کال د اورښتونه د ډېروالي له کبله نیمروز ولایت او د ایران سیستان ته د هلمند سیند اوبه ورسېدې، چې دا به د دواړو هېوادونو د ولسونو ډېری ستونزې حل کړي.
دغه راز ملا عبدالغني برادر اخوند د ایران له لارې اروپايي هېوادونو ته د افغانستان تولیداتو ته د ټرانزیټي اسانتیاوې له برابرولو خوښي وښوده او د دواړو هېوادونو ترمنځ یې د ټرانزیټ او سوداګرۍ کچې د زیاتېدو غوښتنه وکړه.
په کابل کې د ایران سفیر سیستان ته د هلمند سیند د اوبو رسېدو په اړه خوښي څرګنده کړه او د دواړو هېوادونو د اقتصادې ودې او پراختیا لپاره اړینه بولي، چې هېواد به یې له افغانستان سره د سوداګرو د بانکي ستونزو د له منځه وړلو، د چاپېریال ساتنې پر وړاندې د ګډې مبارزې، د کرنې سکټور عصري کولو او همدارنګه د ایران له لارې د افغانستان د سوداګرۍ او ټرانزیټ کچې زیاتولو په برخو کې همکاري وکړي.
د ریاست الوزراء اقتصادي مرستیال په ایران کې د میشت افغان کډوالو د ستونزو د یادونې تر څنګ له ایراني لوري وغوښتل، چې په جبري بڼه افغان کډوال را ونهباسي او په دې اړه د دواړو لوریو ترمنځ ښه همغږي رامنځته شي.
ویل کیږي، چې په دې لیدنه کې د اوبو او انرژۍ، کرنې، اوبولګولو او مالدارۍ، د اطلاعاتو او کلتور وزارتونو چارسمبالو او په تهران کې د افغانستان چارسمبالي استازي فضل محمد حقاني هم حضور درلود.
تازه خبرونه
ملا برادر د قزاقستان د لومړي وزیر له مرستیال سره د اوسپنې پټلۍ پر رامنځته کولو خبرې وکړې
د اسلامي امارت د ریاست الوزرا اقتصادي مرستیال او د قزاقستان د لومړي وزیر مرستیال سیرک ژومانګارین د ترکمنستان او افغانستان له لارې پاکستان ته د اوسپنې پټلۍ پر رامنځته کولو خبرې وکړې.
د افغانستان اقتصادي مرستیالۍ په خبربانه کې راغلي، چې په دې لیدنه کې ملا عبدالغنی برادر د دواړو هېوادونو د سوداګرو د بانکي ستونزو د حل، د افغان – قزاق د ګدو شرکتونو رامنځته کولو او سوداګرو ته د ویزو د ورکړې لپاره د هوکړه لیکونو پر لاسلیک ټینګار وکړ.
سیرک ژومنګارین په پام کې لري، چې د قزاقستان د صنعت او سوداګرۍ ګډه خونه او د دواړو هېوادونو د سوداګرۍ او کار ګډه ډله رامنځته کړي او چمتو دی، چې د برښنایي حکومتولۍ، صنعت، لوړو زدهکړو، پوهنې، روغتیا او بانکدارۍ په سکټورونو کې له افغانستان سره همکاري وکړي.
تازه خبرونه
ایران او پاکستان په افغانستان کې پر ترهګرو ډلو اندېښنه څرګنده کړه
ایران او پاکستان په یوه ګډه اعلامیه کې د یو سولهییز، متحد، خپلواک او له ترهګرۍ او نشهیي توکو قاچاق څخه د پاک افغانستان په اړه پخپلو ژمنو ټینګار څرګند کړی دی.
دواړو لوریو د ترهګریزو ډلو شتوالي ته په افغانستان کې نغوته کړې، چې سیمې او نړۍ ته امنیتي ګواښ دی؛ نو پر وړاندې یې پر مبارزه، همکارۍ او متحدې جبهې جوړولو ټینګار کړی دی.
دوی دغه راز د سیمې د امنیت او ثبات د ډاډمنولو لپاره د سیمهییزې او نړیوالې همغږۍ د اړتیاوو پر اهمیت خبرې کړې دي.
دواړه لوري د افغانستان حاکمیت او ځمکنۍ بشپړتیا ته د احترام کولو تر څنګ څرګندوي؛ د دې هېواد ټولې خواوې باید په بنسټیزو پرېکړو کې ونډه ولري، چې په هېواد کې د سولې او ثبات لامل شي.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
تازه خبرونه2 days ago
راشد خان د افغان بیسیم سوداګریز سفیر شو
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ