Connect with us

تازه خبرونه

د امریکا د نوې تګلارې او اوسني وضعیت په تړاو دې دودیزه لویه جرګه جوړه شي- حامد کرزی

خپور شوی

د

(Last Updated On: لړم ۲, ۱۴۰۱)

پخواني ولسمشر حامد کرزي حکومت او طالبانو دواړو ته لیکونه لیږلي او د امریکا د نوې تګلارې او اوسني وضعیت په تړاو یې د سلا مشورو لپاره د دودیزې لویې جرګې د جوړیدو غوښتنه کړې ده.

هغه ډاډمن دی، چې دې تګلارې په سیمه کې د جګړو او سیالیو زمینه برابره کړې او د سولې پیغام نه لري. له همدې کبله یې د حکومت مشرانو او طالبانو ته لیکونه لیږلي او په دې تړاو او دغه راز یې د اوسني وضعیت په اړه د دودیزې لویې جرګې د جوړیدو غوښتنه کړې ده.

پخوانی ولسمشر حامد کرزي طالبانو ته نه یوازې دا په ډاګه کړې، چې د افغانستان اوسنی وضعیت درک کړي، بلکې د هېواد پر روان حالت دې هم ځانونه وپوهوي.

د امریکا د تګلارې مهمه برخه پر پاکستان فشار راوړل دي، چې د ترهګرو له ملاتړ لاس واخلي؛ خو حامد کرزي د امریکا لخوا پر پاکستان له فشار راوړولو سره مخالفت کړی دی.

هغه څرګنده کړې؛ هر ځل، چې پر پاکستان فشار راغلی زمونږ خلک یې وژلي. تر دې دمه مونږ پر پاکستان د فشارونو د راوړلو پایله لیدلې نه ده او مونږ نه غواړو، چې هېواد مو د جګړې ډګر شي.  

کرزی د حکومت دغه ادعا هم ردوي، چې وایي افغانستان کې شل ترهګرې ډلې فعالې دي.

دی یوازې داعش او القاعده په هېواد کې فعالې ترهګرې ډلې بولي؛ خو طالبانو ته یې نوی تعریف ټاکلی دی.

حامد کرزي په ډاګه کړې، چې داعش او القاعده له شک پرته تروریست دی؛ خو د طالبانو ډله مونږ د افغانستان خلک ګڼو.

حامد کرزی د آریانا نیوز د یوې پوښتنې په ځواب کې مبهم ځواب ورکوي او څرګندوي؛ هیله من دی، چې د ملي وحدت حکومت له داعش ملاتړ ونه کړي.

د ولسمشر د ویاند د دفتر سرپرست شاه حسین مرتضوي د کرزي خبرو ته سخت غبرګون وښود او وایي ، چې د افغانستان له خاورې څخه د چا د خاورې په وړاندې ګټه نه پورته کیږي او افغانستان اوس پر غوره لار حرکت پیل کړی دی.

که څه هم حامدکرزي ته په ډېر ځنډ خبري ناسته جوړه شوې؛ خو په جګړه کې ښکېلو خواوو ته د لیکونو پر استولو سربېره یې دا هم وویل، چې د امریکا د نوې تګلارې په اډانه کې پر پاکستان د فشار له ډېرولو سره نه یوازې مخالفت لري، بلکې له حکومت یې هم غوښتي، چې افغانستان ته د دې تګلارې د ضرر ناکو مواردو په وړاندې ودریږي.

خبریال: باعث حیات

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!