عاجل خبرونه

د امریکا کانګریس په افغانستان کې له اداري فساده اندېښمن شوی

(Last Updated On: جولای 2, 2017)

د امریکا د کانګرس غړیو د افغانستان د بیا رغونې له څارونکي جان سپکو څخه غوښتي، چې له فساد سره د مبارزې په برخه کې د افغان چارواکو ژمنې و ارزوي.

د افغانستان لپاره د امریکا د مرستو څارونکی جان سپکو وايي، چې دی غواړي له فساد سره د مبارزې په برخه کې د افغان چارواکو ژمنې و ارزوي.

هغه وایي؛ د امریکا کانګرس له ما غوښتي، چې له فساد سره د مبارزې په برخه کې د افغان چارواکو ژمنې و ارزوم. زه به وګورم، چې افغان دولت په خپلو مصوبو څومره ولاړ دی. افغان ولسمشر له امریکا غوښتي، چې خپلې مرستې مشروطې کړي؛ نو دا ښه فرصت دی، چې خپلې وړتیاوې ثابتې کړي.

د افغانستان ولسمشرۍ مانۍ سرپرست ویاند شاه حسین مرتضوي وايي، چې افغان دولت له اداري فساد سره په مبارزه کې ښې لاسته راوړنې لري.

جان سپکو له نشه يي توکو سره د مبارزې په برخه کې د افغانستان او امریکا دواړه حکومتونه ناکام ګڼي.

هغه وایي، مونږ هم پاتې راغلي یو؛ افغان دولت هم پاتې راغلی. مونږ باید چارې سمې کړو؛ د نشه يي توکو کرکیله او صادرات یې ډېرشوي او له دغه درکه د وسلوالو طالبانو جیبونو ته ډيرې پیسې لویږي.

له بلې خوا د امریکا ان بي سي تلویزیون د څلور امریکايي چارواکو له قوله خبر ورکړی، چې پنتاګون د افغانستان په جګړه کې د بیا ښکېل کیدو ارزونه کوي. دغو چارواکو ویلي، چې دا ځل به امریکايي پوځیان پر وسلوالو طالبانو او حقاني شبکې یرغلیز عملیات پیلوي.

About Ariana News

Check Also

اجرائیه رییس عبدالله د ايران له ولسمشر سره لیدلي

(Last Updated On: سپتمبر 25, 2018) د افغانستان د ملي وحدت حکومت اجرائیه رییس داکتر …