Connect with us

تازه خبرونه

د امریکا اجندا د افغانستان ثبات نه دی

خپور شوی

د

(Last Updated On: لړم ۲, ۱۴۰۱)

د امریکا متحده ایالاتو لومړنی متحد، چی اوس پر دغه هېواد ډېرې نیوکې کوي؛ د چین له سي جي تي ان تلویزیوني شبکې سره په خبرو کې ویلي؛ د امریکا متحده ایالاتو اجندا د افغانستان ثبات نه دی.

د افغانستان پخوانی ولسمشر حامد کرزی وایي، د امریکا اجندا د افغانستان ثبات نه دی، که د امریکا د کار دستورهمدا وای په افغانستان کې به اوس ثبات ټینګښت موندلی و. دا اجندا داسې لکه، چې اوس ښکاري له افراطیت سره اغېزناکه مبارزه نه وه. که داسې وای له پېنځلسو کلونو وروسته به مونږ اوس مصون وو او افراطیت به لږ و. له دې سره سره، چې امریکا په افغانستان کې حضور لري مونږ ګورو، چی داعش را څرګند شو.

هغه په افغانستان کې د  تاوتریخوالۍ پای د امریکا په رښتینولی او د جګړې په مسوولانه پای ته رسولو پوري تړي.

د افغانستان پخوانی ولسمشر تائیدوي، چې د افغانستان وضعیت د ناوړتیا په حال کې دی او دلیل يی د ترهګرې پروړاندې د مبارزې تر نامه لاندې د امریکا نمیګړي عملیات او تېروتني ګڼي.

د نوموړي په وینا؛ متاسفانه په افغانستان کي امنیتي وضیت د ناوړتیا په حال کې دی؛ د یو شمېردلایلو له امله، په پیل کې، چې کله امریکا افغانستان ته د امنیت د ټینګښت او ترهګرې پروړاندې مبارزې په نامه راغله د ترهګری پر مرکزونو او پټنځایونو یې تمرکز، ونکړاو پرځای یې په دې څوارلس کلونو کې په افغانستان کې پر کلیو بمونه وغورځول، افغانانو ته یې زیان ورساوه او زندانیان یی کړل.

د هغه په وینا؛ افغان امنیتي ځواکونه لږ روزل شوي او سمبال شوي او د ترهګرې پروړاندې مبارزه د یوې سیمه ییزې او نړیوالې تګلارې له مخې نه ده شوې.

هغه په ډاګه کړې، چې روزنه یې کمزورې، تجهیزات ناکافي او پولې د نفوذ وړ او له افغانستان بهر پټنځایونه او دا حقیقت، چی امریکا او متحدین یې، چې افغانستان ته راغلي وه د هغه موخې له پاره یې کار ونه کړ. دا کار په سیمه کي د همکارې یوې تګلارې، د ترهګرو د پټنځایونو او تمویل سرچینو ته پاملرنې، د افغانستان دولت د ظرفیت او اقتصاد جوړول او په دغو عملیاتو کې د سیمه ییزې همکارۍ لټون و او په بدل کې یي امریکا هغه اجندا او ګټي پرمخ یووړې، چې د ترهګرې پروړاندې مبارزې خلاف وې.

نوموړسی که څه هم له افغانستان سره د امریکا لومړنی همکاري ستايي؛ خو وايي نه شي کولای د امریکا د عملیاتو او شتون په موجودیت کي د افغانستان ناامني، په سیمه کي د افراطیت او ترهګري  ډېروالی او د داعش راڅګندیدل رد کړي.

حامد کرزی وايي؛ زه غواړم ووایم یو څوک شته، چی ترهګرو ته روزنه ورکوي او هغوی تمویلوي او سمبالوي؛ نو هغه څوک دي؟

هرڅومره، چي دوی د افراطیت پر وړاندې مبارزه ډېروي افراطیت هم ډېروالی مومي. یوه ستونزه شته، چی یا دوی له افراطیت سره مبارزه نه کوي او یا د هغو پروړاندې د مبارې په موخه سم ځای ته نه ځي. امریکا او متحدینو یي له افراطیت څخه د پخواني شوروي اتحاد پروړاندې د یوې وسیلي په توګه کار واخیست.

کرزی زیاتوي، امریکا باید له روسیې، ایران، چین، هند او پاکستان سره په ګډه په رښتیني توګه د افغانستان جګړه په مسوولانه ډول پای ته ورسوي.

د افغانستان دا پخوانی لوړ پوړی چارواکي په داسي حال کې دا څرګندونې کوي، چې په  سپینه ماڼې کې د افغانستان په اړه د واشنګتن پر تګلاره بحث روان دی.

Advertisement

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!