د امریکا دفاع وزارت په ننګرهار کې د خپلو ۳ سرتېرو وژنه ومنله

(Last Updated On: جون 11, 2017)

د امریکا د دفاع وزارت په یوه خپره شوې خبرپاڼه کې د خپلو ۳ سرتېرو وژنه ومنله او په ډاګه شوې؛ یوه افغان سرتېري پر امریکایانو ډزې وکړې، چې په کې ۳ امریکايي سرتېري ووژل شول او یو بل یې دي.

د خبرپاڼې له مخې؛ د پېښې څېړنه روانه ده، چې په اړه به یې بشپړې څرګندونې وروسته خپرې شي.

د امریکا د ولسمشر مرستیال پنس په یوه غونډه کې په ډاګه کړې، چې د سرتېرو په وژل کیدو مونږ خفه کیږو؛ زمونږ دعاګاني او خواشینۍ به د وژل شویو سرتېرو له کورنیو سره وي.

د ننګرهار والي ویاند عطاالله خوږیاڼي ویلی، چې دغه پېښه د ننګرهار ولایت په اچین ولسوالۍ کې رامنځته شوې ده. په دغه سیمه کې د امریکا ځانګړي ځواکونه له افغان ځواکونو سره د داعش او طالابانو په وړاندې جنګیږي.

خوږیاڼي زیاته کړې، چې افغان سرتېري هم وژل شوي؛ خو تر اوسه پورې دا نه ده څرګنده، چې افغان سرتېري ولې پر اړوند ځواکونو ډزې کړې وې.

نوموړي زیاته کړې، چې په دې اړه څېړنې پیل شوې دي.

له دې مخکې طالب ویاند ذبیح الله مجاهد د شنبې په ورځ رسنیو ته په ډاګه کړې وه، چې د دوی نفوذي سرتېري د ننګرهار په اچین کې پر امریکایي سرتېرو ډزې کړي او ۴ یې ترې ووژل.

نوموړي زیاته کړې، چې نفوذي سرتېری وروسته د افغان سرتېرو له لوري پر ډزو وژل شوی دی.

About Ariana News

Check Also

د بلخ نومیالی هنري لوبغاړی ووژل شو

(Last Updated On: نوومبر 17, 2018) امنیتي چارواکو ویلي، چې په بلخ کې د دغه …