عاجل خبرونه

د امریکا دفاع وزیر جیمز ماتیس په ناڅاپي سفر کابل ته راغلی

(Last Updated On: اپریل 24, 2017)

 

vlcsnap-2017-04-24-18h33m12s27

جنرال جیمز متیس په داسې حال کې افغانستان ته سفر کړی، چې د ترمپ د حکومت سل ورځې بشپړې شوي؛ خو اوس یې هم د افغانستان په اړه تکلاره نه ده روښانه شوې.

له ده مخکې د امریکا د ملي امنیت شورا سلاکار هم له افغانستان څخه لیدنه کړې وه.

د امریکا دفاع وزیر په داسې حال کې کابل ته راغلی، چې پر شاهین قول اردو له برید وروسته د افغانستان د ملي دفاع وزیر او لوی درستیز له دندو استعفاوې وکړې.

هغه له غرمې وروسته په خپل خبري کنفرانس کې وویل، چې د چارو د سمون لپاره باید هڅې سره همغاړې کړو.

ده وسلوالو طالبانو ته په نغوته(اشاره) کې وویل، چې له تاورتریخوالي لاس واخلي او د سولې خبرو ته حاضر شي.

د امریکا دفاع وزیرجیمز متیس له افغان چارواکو سره له کتنې وروسته وویل، چې افغانستان له ګڼو ستونزو سره مخ دی، چې حل یې اوږد مهالو او نږدې همکاریو ته اړتیا لري.

هغه دغه راز په ډاګه کړې ، چې که روسیه د افغان حکومت مخالفین تجهیز کړي؛ نو د امیریکا له ستر مخالفت سره به مخ شي. 

ده زیاته کړې، چې داعش په افغانستان کې د پښو ایښودو ځای نلري؛ خو د خپلو پښو ډ ټینګولو هڅې کوي.

په شاهین قول اردو د وسلوالو طالبانو په برید کې شا اوخوا یو سلو اویا افغان سرتیري ووژل شول.

دا په داسې حال کې، چې په افغانستان کې جګړې پراخه شوې؛ خو دا په ډاګه کوي، چې په افغانستان کې د دوی د تجربې وړ کسان په ماموریت کې دنده تر سره کوي.

About Ariana News

Check Also

خلیلزاد د ولسمشریزو ټاکنو د ځنډیدو وړداندیز کړی

(Last Updated On: نوومبر 13, 2018) وال ستریت ژورنال په ډاګه کړې، چې، ترمپ د …