Connect with us

تازه خبرونه

د خوست هوایي ډګر ته لومړنۍ الوتنه ترسره شوه

خپور شوی

د

(Last Updated On: لړم ۲, ۱۴۰۱)

د خوست نوي ملکي هوایي ډګر ته لومړنۍ الوتنه ترسره شوه. په همدې اړه په جوړه په ولسي جرګه کې د خوست یو شمېر استازي غوښتنه کوي، هغه کسان دې مجازات شي، چې د تېر حکومت پرمهال یې د دغه پروژې په تدارکاتو کې دوه میلیونه ډالر اختلاس کړی و.

په همدې حال د هوایي چلند خپلواکې ادارې مشر ژمنه کوي، چې د خوست هوایي ډګر به په راتلوونکي کې په نړیوال معیاري ډول جوړ کړي.

د اریانا نیوز خبریال له خوست ولایت څخه لیکي: له اوږده انتظار وروسته د خوست نړیوال ملکي هوایي ډګر ځغاست لیکه بشپړه او لومړنۍ الوتنه پکې ترسره شوه.

تر ډېره نیوکې موجودې دي، خوست هوایي ډګر چارې په ټیټ کیفیت ترسره شوې دي.

 په ولسي جرګه کې د خوست یوه استازي وویل، د دغه پروژې د تدارکاتو پرمهال د پخواني حکومت لوړو پوړو چارواکو دوه میلیونه ډالر فساد کړی، چې دوسیه یې د ولسمشر غني میز ته رسیدلي او هغه یې باید د څیړنو امر ورکړي.

میربات منګل په ولسي جرګه کې د خوست استازي په دې هکله داسې ووېل: «موږ تر ټولو مخکې د دی هوايي ډګر په هکله یعني د شوي اختلاس د بررسي دپاره ورغلو او ورته و مو ویل چې دا باید بررسي شي او اول باید زه بررسي شم»

د خوست والي بیا غوښتنه کوي، چې د خوست هوایي ډګر لپاره دې ټول تاسیسات جوړ شي، تر څو  راتلونکي کې په ټولو معیارونو برابر هوایي ډګر ولري.

حکم خان  حبیبي، خوست والي و وېل: «خپلو بودیجوي امکاناتو ته په کتو سره که د دې هوایي ډګر د هوارولو دپاره یوه پروژه په نظر کې ونیول شي چې حد اقل د دې میدان داخلي برخه همواره وي»

په همدې حال کې د افغانستان د هوايي چلند خپلواکې ادارې مشر وویل، د ده په راتګ د خوست په هوایي ډګر پروژه کې یوه افغانۍ فساد نه دی شوی او راتلونکي به چا ته د فساد اجازه ورنه کړي او هیڅ سیاسي فشار ته به تسلیم نه شي.

د خوست هوایي ډګر د ځغاست لیکې پروژه د ۷۳۰ میلیونه افغانیو په لګښت بشپړه شوې ده او ویل کیږي، د ځینو  نورو چارو او هوایي ډګر د تشکیلاتو له بشپړیدو وروسته په یوه میاشت کې دغه پروژه په رسمي ډول ګټې اخیستنې ته وسپارل شي.

خبریال: فریدالله ظاهر

Advertisement

تازه خبرونه

ازبکستان، سعودي عربستان او قطر پر افغانستان او افغان – ټرانس پټلۍ خبرې وکړې

Published

on

(Last Updated On: وری ۲۸, ۱۴۰۳)

د ازبکستان ولسمشر د سعودي عربستان د بهرنیو چارو له وزیر، د قطر له لومړي وزیر او د عربي متحده اماراتو د انرژۍ له وزیر سره د افغانستان او د افغان ټرانس  اوسپنې پټلۍ په اړه خبرې کړې دي.

 د ازبکستان ولسمشر د عربي خلیج حوزې د همکارۍ شورا د غونډې په څنډه کې د سعودي عربستان د بهرنیو چارو له وزیر، د قطر له صدراعظم او د عربي متحده اماراتو له لومړي وزیر سره د افغانستان په اړه خبرې کړې دي.

د ازبکستان د ولسمشرۍ دفتر خبر ورکړی، چې شوکت میرزایف د قطر له لومړي وزیر محمد بن عبدالرحمن آل ثاني سره وکتل او د سوداګرۍ، اقتصاد، پانګونې او ارتباطاتو په برخو کې یې د دوه اړخیزو همکاریو پر پراختیا او د دغه تړون پر چټکې پلي کېدا خبرې وشوې. همدارنګه د افغان ـ ټرانس پټلۍ د جوړولو پروژه هم د بحث له موضوعاتو څخه وه.

شوکت میرزایف د عربي متحده اماراتو د انرژۍ له وزیر سره  په کتنه کې د افغانستان د  افغان – ټرانس  اوسپنې پټلۍ پروژې د تخنیکي چمتووالي او د کار پیل ته پر ځانګړې پاملرنې ټینګار کړی دی.

د قطر لومړي وزیر په دې کتنه کې ټینګار وکړ، چې د قطر مخکښو شرکتونو پر مشارکت د پانګونې مهمې پروژې د پلي کولو په حال کې دي .

د ازبکستان جمهور رییس د سعودي عربستان د بهرنیو چارو له وزیر فیصل بن فرحان سره په کتنه کې د افغانستان وضعیت وارزاوه او پر لوړه کچه یې د تړونونو د عملي کېدا او ګډې پانګونې په چوکاټ کې د هر اړخیزې ونډې او همکاریو یادونه وکړه.

شوکت میرزایف د دغه هېواد د انرژۍ او بېخبناوو د وزیر سهیل المروزي پر مشرۍ د عربي متحده اماراتو له پلاوي سره په کتنه کې هم د افغان – ټرانس پټلۍ د جوړېدو پیل مهم وباله او دواړو لورو د دغه هېواد د انرژۍ او بېخبناوو د پراختیا په اړه ټیګار وکړ، چې د تخنیکي پروژې چمتو کولو او د -افغان ـ ټرانس اورګاډي د جوړولو پیل ته پاملرنه وشي.

دا په داسې حال کې ده، چې له دې مخکې د اوسپنې پټلۍ ادارې چارواکو ویلي وه؛ قطري چارواکو د افغان ـ ټرانس په پروژه کې د پانګونې ژمنه کړې ده. اوس‌مهال د دې کرښې تخنیکي چارې او سروې د عربي متحده اماراتو د شرکتونو له‌خوا ترسره کیږي.

Continue Reading

تازه خبرونه

پاکستان بلوچستان میشتو افغانانو ته د وتلو ګواښ وکړ

Published

on

(Last Updated On: وری ۲۸, ۱۴۰۳)

د پاکستان بلوچستان ایالت پولیسو افغان کډوالو ته خبرداری ورکړی، چې له دغه ایالت څخه په خپله خوښه ووځي.

پولیسو ویلي، چې که دغه کډوال په ځايي وخت د سې شنبې پر ورځ سهار اته بجې د بلوچستان له څنډو او کلیو ونه‌وځي؛ جبري به وویستل شي.

هغه کډوال افغانان، چې د افغان تابعیت او د راجسټریشن کارتونه لري هم په دې خبرتیا کې شامل دي.

که څه هم د پاکستان حکومت له دې مخکې اعلان کړی و، چې هغه کډوال به له پاکستان څخه ونه‌ایستل شي، چې د افغان تابعیت کارتونه او د راجستریشن سندونه ولري؛ خو اوس د بلوچستان ایالت چارواکي وايي، چې قانوني کډوال به هم ایستل کېږي.

له دې مخکې اسلام‌آباد افغان کډوالو ته د دوشنبې پر ورځ ( د وري اتویشتمه / د اپریل پېنځلسمه ) ضرب الاجل ټاکلی و او دا یې د افغان کډوالو د جبري اخراج دوه‌یم پړاو ونوماوه.

چارواکو ویلي، چې دا پړاو پر شاوخوا ۸۵۰ زره افغانانو، چې ډېر یې له لسیزو راپدیخوا په پاکستان کې ژوند کوي؛ د پلي کېدو وړ دی.

د افغانستان اسلامي امارت او د ملګرو ملتونو ادارې اټکل کوي، چې په تېرو شپږ میاشتو کې له نیم میلیون ډېر کسان له پاکستان څخه ایستل شوي او یا هم په خپله خوښه افغانستان ته ستانه شوي دي.

Continue Reading

تازه خبرونه

د اسلامي امارت اقتصادي مرستیال د کجکي بند ملي پروژه وارزوله

Published

on

(Last Updated On: وری ۲۸, ۱۴۰۳)

د ریاست الوزراء اقتصادي مرستیال ملا عبدالغني برادر تېره ورځ هلمند ولایت ته د خپل سفر پرمهال له کجکي بند څخه لیدنه وکړه.

د ریاستالوزراء د اقتصادي مرستیالۍ د څرګندونو له مخې؛د ریاست الوزراء اقتصادي مرستیال د کجکي بند پروژه ملي او حیاتي یاده کړه او په دې برخه کې یې د رامنځته شویو نوښتونو له کبله د مسوولینو هڅې وستایلې.

ملا برادر ویلي، چې وچکالۍ او په بندونو کې د اوبو د کمښت له کبله د برښنا د تولید کچه راټیټه شوې وه؛ خو سږ کال په هېواد کې د اورښتونو له کبله د اوبو کچه لوړه شوې او د کجکي بند په څېر زیاتره بندونه له اوبو ډک شوي دي.

له دې سره به په روان کې کال د کرنې برخه وده وکړي او هم به په هېواد کې دننه د برښنا د تولید کچه لوړه شي.

د کجکي بند د هېواد په کچه یو له لویو بندونو څخه دی، چې د هلمند ولایت په کجکي ولسوالۍ کې  د هلمند پر سیند د موسمي سیلابونو د کنټرول، کرنیزو ځمکو خړوبولو او برښنا د تولید لپاره جوړ شوی دی.

دغه راز د ریاست الوزراء اقتصادي مرستیال ملا عبدالغني برادر د روزګان ولایت له سیلاب ځپلیو سیمو څخه هم لیدنه کړې او هلته یې له سیمه‌ییزو چارواکو او عامو خلکو سره کتلي او د لازمو مرستو د رسولو امر يې کړی دی.

د ریاست الوزراء اقتصادي مرستیال ملاعبدالغني برادر روزګان ولایت ته د سفر پرمهال له سیلاب ځپلیو او زیانمنو کورنیو سره د خواخوږۍ ترڅنګ یوه اندازه نغدي مرسته هم  کړې ده.

دا په داسې حال کې ده، چې د سیمه ایزو چارواکو د معلوماتو له مخې په دغو سیلابونو کې  ۴۶۸ د استوګنې کورونه بشپړ او لږ څه ویجاړ شوي او له پنځوس څخه ډېر پلچکونه او زرګونه جریبه فصلونه سیلابونو وړي دي.

Continue Reading

Trending

Copyright © 2022 Ariana News. All rights reserved!