Connect with us

تازه خبرونه

د افغانستان ۳۴ سلنه دولتي بنسټونه معلوماتو ته د لاسرسي ادارې نلري

خپور شوی

د

(Last Updated On: لړم ۲, ۱۴۰۱)

د آزادو رسنیو ملاتړ اداره یا نی وایي، د افغان دولت کلیدي ادارې په لازم ډول او پخپل  وخت رسنیو ته معلومات نه ورکوي.

د افغانستان د آزادو رسنیو د ملاتړ بنسټ رییس وایي: د هغې سروې له مخې، چې نی په نهه شپېته دولتي ادارو کې تر سره کړې، ویل شوي، چې یوپنځوس دولتي ادارې په منظم ډول خبریالانو ته معلومات ورکوي؛ خو ولسمشرۍ، اجرائیه ریاست، د چارو اداره، کورنیو چارو وزارت، د ټاکنو خپلواک کمیسیون، د برښنایي تذکرو د وېش اداره، ولسي جرګه، د ملي امنیت شورا، د ملي امنیت ریاست او د کابل طبي پوهنتون هغه بنسټونه دي، چې رسنیو ته یې د معلوماتو په ورکولو کې ناغیړي کړې ده.

د افغانستان د آزادو رسنیو د ملاتړ بنسټ رییس مجیب خلوتګر زیاتوي، که څه هم معلوماتو ته د لاسرسي قانون توشیح شوی؛ خو اوس هم معلوماتو ته لاسرسی ستونزمن کاردی.

که څه هم ولسمشر او اجرائیه رییس معلوماتو ته له لاسري ملاتړ کړی او په دې اړه ویناوې کوي؛ خو په یو شمېر دولتي ادارو کې تر اوسه د معلوماتو د ورکولو ادارې جوړې شوې نه دي؛ نه بودجه لري او نه خلک ترې خبر دي.   

خبریالان هم معلوماتو ته نه لاسرسی او د دولتي ادارو لخوا معلوماتو ته د لاسرسي له قانون سرغړاوی د اندېښنې وړ ګڼي.

خبریال سلیم تلاش وایي، ډېرې داسې دولتي ادارې شته ، چې خبریالانو ته معلومات نه ورکوي او تر دې دمه معلوماتو ته د لاسرسي قانون بنسټیز شوی نه دی.            

خبریال طاهر پیمان په ډاګه کړې، چې ډېر دولتي ویاندویان له مونږ سره خبرو ته زړه نه ښه کوي او تل هڅه کوي، چې په یوه بهانه ځانته د تېښتې لار ومومي.             

دغه څېړنه په داسې حال کې تر سره کیږي، چې په زیاترو ولایتونو او پلازمېنه کابل کې معلوماتو ته نه لاسرسی لویه ستونزه ده او په ځینو مواردو کې له خبریالانو سره نامناسب چلند هم کیږي او حتا وهل کیږي یا پر مرګ ګواښل کیږي.

خبریاله: لیدا نیازی

تازه خبرونه

افغان او ایراني حکومتي مشرانو د سیاسي، اقتصادي، سوداګریزو او ټرانزیټي اړیکو پر پياوړتیا خبرې وکړې

Published

on

(Last Updated On: غویی ۶, ۱۴۰۳)

د ریاستلوزراء اقتصادي مرستیال ملا عبدالغني برادر او د حکومت یو شمېر وزیرانو د ایران د ولسمشر له ځانګړي استازي او په کابل کې د ایران له سفیر حسن کاظمي قُمي سره وکتل.

د ریاست الوزراء د مرستیالۍ دفتر ویلي؛ د لیدنې پر مهال د سیاسي، اقتصادي، سوداګریزو او ټرانزیټي اړیکو پر پياوړتیا او په بېلابېلو برخو کې پر دوه اړخیزو همکاریو خبرې وشوې.

د ریاست الوزراء اقتصادي مرستیال د افغانستان او ایران اړیکې ښې او مثبتې وبللې او څرګندوي، چې د اړیکو د پراختیا او پياوړتیا لپاره ګډ کار ته اړتیا ده.

ملا برادر وایي: سږ کال د اورښتونه د ډېروالي له کبله نیمروز ولایت او د ایران سیستان ته د هلمند سیند اوبه ورسېدې، چې دا به د دواړو هېوادونو د ولسونو ډېری ستونزې حل کړي.

دغه راز ملا عبدالغني برادر اخوند د ایران له لارې اروپايي هېوادونو ته د افغانستان تولیداتو ته د ټرانزیټي اسانتیاوې له برابرولو خوښي وښوده او د دواړو هېوادونو ترمنځ یې د ټرانزیټ او سوداګرۍ کچې د زیاتېدو غوښتنه وکړه.

په کابل کې د ایران سفیر سیستان ته د هلمند سیند د اوبو رسېدو په اړه خوښي څرګنده کړه او د دواړو هېوادونو د اقتصادې ودې او پراختیا لپاره اړینه بولي، چې هېواد به یې له افغانستان سره د سوداګرو د بانکي ستونزو د له منځه وړلو، د چاپېریال ساتنې پر وړاندې د ګډې مبارزې، د کرنې سکټور عصري کولو او همدارنګه د ایران له لارې د افغانستان د سوداګرۍ او ټرانزیټ کچې زیاتولو په برخو کې همکاري وکړي.

د ریاست الوزراء اقتصادي مرستیال په ایران کې د میشت افغان کډوالو د ستونزو د یادونې تر څنګ له ایراني لوري وغوښتل، چې په جبري بڼه افغان کډوال را ونه‌باسي او په دې اړه د دواړو لوریو ترمنځ ښه همغږي رامنځته شي.

ویل کیږي، چې په دې لیدنه کې د اوبو او انرژۍ، کرنې، اوبولګولو او مالدارۍ، د اطلاعاتو او کلتور وزارتونو چارسمبالو او په تهران کې د افغانستان چارسمبالي استازي فضل محمد حقاني هم حضور درلود.

Continue Reading

تازه خبرونه

ملا برادر د قزاقستان د لومړي وزیر له مرستیال سره د اوسپنې پټلۍ پر رامنځته کولو خبرې وکړې

Published

on

(Last Updated On: غویی ۶, ۱۴۰۳)

د اسلامي امارت د ریاست الوزرا اقتصادي مرستیال او د قزاقستان د لومړي وزیر مرستیال سیرک ژومانګارین د ترکمنستان او افغانستان له لارې پاکستان ته د اوسپنې پټلۍ پر رامنځته کولو خبرې وکړې.

د افغانستان اقتصادي مرستیالۍ په خبربانه کې راغلي، چې په دې لیدنه کې ملا عبدالغنی برادر د دواړو هېوادونو د سوداګرو د بانکي ستونزو د حل، د افغان – قزاق د ګدو شرکتونو رامنځته کولو  او سوداګرو ته د ویزو د ورکړې لپاره د هوکړه لیکونو پر لاسلیک ټینګار وکړ.

سیرک ژومنګارین په پام کې لري، چې د قزاقستان د صنعت او سوداګرۍ ګډه خونه او د دواړو هېوادونو د سوداګرۍ او کار ګډه ډله رامنځته کړي او چمتو دی، چې د برښنایي حکومتولۍ، صنعت، لوړو زده‌کړو، پوهنې، روغتیا او بانکدارۍ په سکټورونو کې له افغانستان سره همکاري وکړي.

Continue Reading

تازه خبرونه

ایران او پاکستان په افغانستان کې پر ترهګرو ډلو اندېښنه څرګنده کړه

Published

on

(Last Updated On: غویی ۶, ۱۴۰۳)

ایران او پاکستان په یوه ګډه اعلامیه کې د یو سوله‌ییز، متحد، خپلواک او له ترهګرۍ او نشه‌یي توکو قاچاق څخه د پاک افغانستان په اړه پخپلو ژمنو ټینګار څرګند کړی دی.

دواړو لوریو د ترهګریزو ډلو شتوالي ته په افغانستان کې نغوته کړې، چې سیمې او نړۍ ته امنیتي ګواښ دی؛ نو پر وړاندې یې پر مبارزه، همکارۍ او متحدې جبهې جوړولو ټینګار کړی دی.

دوی دغه راز د سیمې د امنیت او ثبات د ډاډمنولو لپاره د سیمه‌ییزې او نړیوالې همغږۍ د اړتیاوو پر اهمیت خبرې کړې دي.

دواړه لوري د افغانستان حاکمیت او ځمکنۍ بشپړتیا ته د احترام کولو تر څنګ څرګندوي؛ د دې هېواد ټولې خواوې باید په بنسټیزو پرېکړو کې ونډه ولري، چې په هېواد کې د سولې او ثبات لامل شي.

Continue Reading

Trending

Copyright © 2022 Ariana News. All rights reserved!