د افغانستان بانک د نړیوالو مالي چارو له خړ نوملړه وویستل شو

(Last Updated On: جون 24, 2017)

د افغانستان بانک د نړیوالو مالي چارو د ډلې له خړ نوملړه وویستل شو؛ کوم هېوادونه، چې په دغه نوملړ کې راغلي د پولي او مالي معاملاتو په برخه کې له محدودویتونو سره مخ دي.

د افغانستان بانک رییس خلیل الله صدیق وایي؛ د ځینو قوانینو طرحې د دې سبب شوې، چې د افغانستان بانک له دې نوملړ ووځي.

 د افغانستان بانک رییس دغه چاره په بانکي راکړه ورکړه کې د روڼتیا د را منځته کولو لپاره مهمه بولي او وایي، چې د روڼتیا لپاره نورې پراخې عملي طرحې هم تر لاس لاندې دي.

تر دې اقدام وروسته به د افغانستان بانک کورني اقدامات څه وي.

هغه زیاتوي، مونږ اړ یو، چې اوسنۍ لاسته راوړنې د چارو په تر سره کولو کې خوندي او وساتو.

افغانستان په سیمه کې د ځوان بانکي نظام لرونکی دی، چې دې حالت د افغانستان بانک په وړاندې اړینې ننګونې را ولاړې کړي او د خصوصي بانکونو پر کړنو هم څارنه لري.

About Ariana News

Check Also

په ننګرهار کې ۲۴ داعش جنګیالي ملي امنیت ته تسلیم شوي

(Last Updated On: نوومبر 18, 2018) په ننګرهار کې د ۹ بهرنیانو په ګډون څلیریشت …