د افغانانو د خپلمنځي خبرو لپاره جدي هڅې روانې دي- نیکولاس کي

(Last Updated On: June 27, 2019)

د ناتو ملکي استازي له آریانا نیوز سره په ځانګړیو خبرو کې څرګنده کړې، چې په افغانستان کې د سولې د ټينګښت لپاره د افغانانو د خپلمنځي خبرو لپاره جدي هڅې رواني دي.

هغه، چې په بروکسل کې له آریانانیوز سره خبرې کولې؛ له وسلوالو طالبانو یې وغوښتل، چې د افغانانو خپلمنځي خبرو ته چمتو شي.

د ناتو ملکي استازی نیکولاس کي وايي، چې افغانان باید دواړو؛ د سولې خبرو او ولسمشریزو ټاکنو ته چمتو اوسي.

نیکولاس کي وایي: خبرې به په واقعي توګه د افغانانو تر منځ وي. طالبان، افغان حکومت او افغانان باید دغو خبرو ته پوره چمتو وي.  

نوموړي دا هم ویلي، چې په قطر کې د وسلوالو طالبانو او امریکايي پلاوي ترمنځ خبرې ډېرې حساسې دي.

هغه افغانان، چې د سولې په خبرو کې برخه اخلي باید د یوې اجماع له مخې مخکې ولاړ شي.

هغه دا هم ویلي، چې د سولې په خبرو کې د ښځو د حقونو، د بیان د آزادۍ او دیموکراسۍ د خوندیتوب په اړه د افغانانو له غوښتنو ملاتړ کوي او غواړي، چې دغه غوښتنې له پیاوړي دریځ څخه وړاندې شي.

نوموړي دا هم څرګنده کړې، چې مونږ له افغانانو سره خپلو همکاریو ته ژمن یو، چې دغه هېواد یو ځل بیا د ترهګرو پر مرکز بدل نشي. مونږ خپل ماموریت ته دوام ورکوو.

پام کې ده، چې د ناتو دفاع وزیران به په بروکسل کې له افغانستان سره د ژمنو یو قوي پیغام وړاندې کړي.

About Ariana News

Avatar

Check Also

طالبانو په یو شمېر ولایتونو کې د لسګونه ښوونځیو دروازې تړلي

(Last Updated On: September 22, 2019)طالبانو لسګونه ښوونځي په دې دلیل، چې ور څخه د …