عاجل خبرونه

د افغانستان له زندانونو څخه د طالبانو د خوشې کولو بهیر پل شوی

(Last Updated On: June 11, 2019)

طالبانو د افغانستان د حکومت له دې کاره هرکلی کړی؛ خو پوځی کارپوهان د جګړې ډګرونو ته د د خوشې شویو بندیانو پر ورګرزیدو اندېښنه ښیي.  

ولسمشر د اختر په لومړۍ ورځ ویلي وه، چې ډېر ژر به نږدې نهه سوه بندیان خوشې شي، چې ډېر یې طالبان دي.

په وروستیو ورځو کې ځینې بندیان د رسنیو په غیاب کې خوشې  شوي او تازه د هرات، بګرام او څرخي پله له زندانونو څخه د طالبانو افراد خوشې شوي دي.

د ولسمشر غني لخوا د دغو بندیانو د خلاصون پرېکړه له پیله ډول ډول غبرګونونه را وپارول.

پخوانی پوځي ظاهر عظیمي اندېښنه ښیي، چې دوي بېرته د جګړې میدانونو ته ور ونه ګرځي.

ولسمشر غني ویلي، چې د مشورتي لویې جرګې مشورو ته په کتو د ښه نیت لپاره دوی طالب بندیان خوشې کوي.

د پخواني ولسمشر د دفتر رییس کریم خرم وایي، چې  دا د جګړې دواړو خواوو تر منځ پر یو او بل باور پیدا کولی شي.

طالبانو په یوه اعلامیه کې ویلي، چې دا کسان طالبان ندي؛ خو وایي، د دې پرېکړې هرکلی کوي.

د طالبانو پخوانی غړی سید اکبر أغا  وایي، چې لدې مخکې هم یوشمېر بندیان خوشې شوي وه او دا هم نشو ویلی، چې د افغانستان موضوع د بندیانو له خوشې کولو سره حلیږي.         

لدې سره په یوه وخت کې ځینې ملکیان او پوځیان هم د ځانګړیو امنیتي ځواکونو لخوا آزاد شوي دي.

ویل کیږي، چې په وروستۍ یوه اوونۍ کې د طالبانو له ۱۵ ډېر زندانونه په بېلابېلو ولایتونو کې د افغان ځواکونو لخوا مات شوي دي.

خبریال: علی اصغري.

About Ariana News

Avatar

Check Also

په غزني کې د طالبانو د رسنیو چلوونکی نیول شوی

(Last Updated On: June 18, 2019)د غزني سیمه ییزو چارواکو په ډاګه کړې، چې امنیتي …