د افغانستان ولسمشریزې ټاکنې نږدې۲۰۰ میلیون دالر غواړي

(Last Updated On: March 28, 2019)

د ټاکنو خپلواک کمیسیون وايي، چې نړیوالو بنسټونو او حکومت دغه بودجه کمیسیون ته مشروطه کړې ده.

ټاکنیز اصلاحات؛ د ولسمشرۍ ټاکنو په ګډون د راتلونکیو ټاکنو ته د بهرنیو مرستندویو بنسټونو لخوا د بودجې برابرول د کمیسیون پر وړاندې یوه سره کرښه ده!

که څه هم د ټاکنو لپاره د بودجې برابرولو په اړه اندېښنې شته؛ خو د ټاکنو خپلواک کمیسیون غړی مولانا عبدالله وايي: د ولسمشرۍ، ولایتي شوراګانو او د غزني د ولسي جرګې ټاکنو ترسره کولو لپاره ۱۹۲ میلیون دالر لګښت لري، چې د نړیوالو مدستندویانو او حکومت لخوا به برابره شي.

نوموړي زیاته کړې، چې نړیواله همکاري د کمیسیون لخوا د دغه بودجه د یوې ټاکنیزې طرحې د وړاندې کولو پر شرط نلې ده.

دغه راز د ټاکنو شریکانو د ټاکنو خپلواک کمیسیون د دغه بهیر د ترسره کولو لپاره د امنیت تامینولو په تړاو څو هوکړه لیکونه لاسلیک کړي دي.

د کورنیو چارو وزارت د راتلونکیو ټاکنو امنیت ټینګولو او امنیتي ځواکونو د بې ظرفه پاتې کیدو ډاډ ورکوي.

د کورنیو چارو وزیر د ټاکنو خپلواک کمیسیون د یو هوکړه لیک د لاسلیک په ترڅ کې د ټاکنو په ټولو پړاونو کې د امنیت ټینګولو ته ټټر وهي او پدې پروسه کې د امنیتي ځواکونو د بې طرفۍ ډاډ ورکړ.  

د کورنیو چارو وزارت سرپرست مسعود اندرابي خلکو ته د ټاکنو د ترسره کیدو ډاډ ورکوي او وایي، چې د ټاکنو امنیت زمونږ دنده ده.

پردې سربېره حکومت پتیېلې؛ راتلونکې ټاکنې به په شپږ میاشتني ځنډ د تلې په شپږمه ترسره کوي، چې په کې د ګډون لپاره اتلس ټاکنیزو ډلو ځانونه راجسټر کړي دي.

About Ariana News

Avatar

Check Also

افغانستان د سولې له هوکړې سره سم نږدې ۸ میلیارد دالرو ته اړتیا لري- نړیوال بانک

(Last Updated On: December 6, 2019)نړیوال بانک پخپل یو تازه راپور کې په ډاګه کړې؛ …