عاجل خبرونه

د افغانستان او اروپایي ټولنې تر منځ هوایي دهلیز پرانیستل شو

(Last Updated On: سپتمبر 27, 2018)

د سوداګرۍ خونه وایي، د افغانستان او اروپایي ټولنې تر منځ هوایي دهلیز پرانیستل شو او له دې وروسته به د افغانستان تولیدات د هوا له لارې اروپایي هېوادونو ته صادریږي.

له هند، ترکیې او قزاقستان سره د هوایي دهلیز له پرانیستې وروسته دا دی د پنجشنبې پر ورځ( د تلې ۵) د افغانستان او اروپایي تولنې ترمنځ هم هوایي دهلیز پرانیستل شو.

د سوداګرۍ خونې مدیره پلاوي مرستیال خان جان الکوزی دغه دهلیز د سوداګریزو چارو لپاره لوی پرمختګ بولي او وایي؛ د خوښۍ ځای دی، چې له هوایي دهلیزونو سره مو اتیا سلنه ستونزې حل شوې.              

د سوداګرۍ او صنایعو وزارت مالي او اداري معین اجمل حمید عبدالرحیمزی وایي؛ مونږ هڅه کوو، چې د هوایي دهلیزونو تر څنګ ځمکنۍ لارې هم د خپلو صادراتو لپاره ډاډمنې کړو.               

اروپایان دا دهلیز د افغانستان صادراتو لپاره ستره اقتصادي کړکۍ ګڼي او هغه د افغانستان او اروپایي هېوادونو تر منځ په سوداګریزو راکړو ورکړو کې ګټوره بولي.

د افغانستان لپاره د اروپایي ټولنې مرستیال اندرس فیچر وایي: دا ښه خبر دی؛ د سوداګریزو اړیکو د پیاوړتیا تر څنګ، اروپا غواړي، چې د افغانستان کیفیت لرونکي محصولات وپېري. شک نه لرو، چې دا بهیر به د پام وړ پراخ شي؛ ځکه دواړه خواوې دغه کار ته هیله من دي.

د فنلنډ سفارت مستشاره لورا فان هانین وایي؛ خوښه یم، چې کولی شم د افغانستان له غالیو استفاده وکړم. ډاډه یم، چې د افغانستان کم سارې غالۍ به د فنلند په بازارونو کې پېرېدونکي ولري. نن د قره قل دېرش ټنه پوستکی اروپا ته صادر شول او دا ډېر ښه خبر دی.

د پنجشنبې پر ورځ( د تلې ۵) له افغانستان څخه اروپا ته لومړنۍ الوتنه ترسره شوه او د دغه هوایي دهلیز له لارې د افغانستان کرنیز محصولات، طبي بوټي، غالۍ او قره قل اروپا ته صادر شول.

خبریال: اسلم حجاب

About Ariana News

Check Also

په ختیځو ولایتونو کې د تاکنو پر ورځ ۹۰ کسانو ته مرګ و ژوبله اوښتې

(Last Updated On: اکتوبر 21, 2018) د هېواد په ختیځو ولایتونو کې د تاکنو پر …