د دوستم اعتراضي پلویانو بیا د حیرتانو بندر تړلی

(Last Updated On: July 19, 2018 4:42 pm)

د دوستم اعتراضي پلویانو تېره ورځ د مزار- حیرتان لویه لار د سوداګریزو وسایطو پر مخ  وتړله او ټینګار کوي که یې غوښتنې ونه منل شي؛ دغه لویه لار به بنده پاتې وي.  

د حزب جنبش مرستیال ګل محمد ارکین وایي، د حیرتانو لار به د اعتراض کوونکیو لخوا تر هغې بنده او تړل شوې وي، چې حکومت یې غوښتنو ته مثبت ځواب ووایي.

د ارکین د څرګندونو له مخې؛ پر دغه لویه لار دمګړۍ سوداګریز وسایط او دولتي مامورین تګ راتګ نشي کولی او نور عام وګړي کولی شي له دې لارې تګ راتګ وکړي.    

د شمال یو شمېر اوسیدونکي او په ځانګړي توګه سوداګر له اعتراض کوونکیو غواړي، چې د خلکو د عادي ژوندانه او اقتصادي هڅو دې نه خنډ کیږي.

که څه ولسمشر غني د دوستم راتګ شونی بولي او لویې څارنوالۍ د قیصاري د دوسیې د څېړلو ډاډ ورکړی؛ خو اعتراض کوونکي حکومت په دې اړه پر نه پاملرنه تورنوي او وايي که یې غوښتنې ونه منل شي لاریونونه او اعتراضونه به نور هم  وغزول شي.

About Ariana News

Check Also

په کابل کې پر يوه ښوونیز مرکز وسلوال برید شوی

(Last Updated On: August 16, 2018 1:45 pm) د کابل د پېنځمې امنیتي حوزې د …