عاجل خبرونه

د جنبش ګوند پلویانو د آقینې بندر لار وتړله

(Last Updated On: جولای 5, 2018)

د اندخوی ولسوال ویلي، چې د جنبش ګوند پلویانو د آقینې بندر لار تړلې او په اړوند سیمه کې یې د تحصن خیمه درولې ده.  

د هغه د څرګندونو له مخې؛ د هېواد په شمال او شمال ختیځو ولایتونو کې د جنبش ګوند پلویانو د قیصاري په ملاتړ خپل لاریونونه هم روان ساتلي دي.

دا په داسې حال کې ده، چې د فاریاب ولایتي شورا یو غړي د ولسمشرۍ لخوا د یو پلاوي له ورالیږلو خبر ورکوي او وایي، چې د سیمه ییزو اورګانونو ادارې رییس د پلاوي مشري کوي.

د نوموړي د څرګندونو له مخې؛ د پلاوي مشر د فاریاب ولایت اوسیدونکیو ته ډاډ ورکړ، چې نیول شوی نظام الدین قیصاري به ژر خوشې شي.

دغه راز د شاهین قول اردو د رسنیو دفتر ویلي، چې دوکتور نقیب الله فایق د نورم او ملي ستندرد پخوانی رییس د فاریاب د نوي والي په توګه ټاکل شوی دی. هغه نن دغه ولایت ته رسیدلی او له څو ساعتونو وروسته به د فاریاب ولایت د نوي والي په توګه خلکو ته وروپېژندل شي.

د نظام الدین قیصاري له نیول کیدو وروسته په فاریاب او ځینو نورو ولایتونو کې خلکو لاریونونه وکړل. لومړی دغه اعتراضونه له فاریاب پیل شول او تر شمال ختیځو ولایتونو یې پراختیا ومونده.

About Ariana News

Check Also

د اسلام د ستر پیغمبر میلاد په ارګ او د هېواد په نورو برخو کې ونمانځل شو

(Last Updated On: نوومبر 20, 2018) ولسمشر غني د میلاد النبي په مراسمو کې څرګنده …