عاجل خبرونه

د بیات پاور کمپنۍ به ډېر ژر د بریالۍ پروژې په توګه اعلان شي

(Last Updated On: October 21, 2019)

د کانونو او پترولیم وزارت مسوولینو ویلي؛ د بیات پاور کمپنۍ، چې د هېواد په شمال کې له ګازو څخه برښنا تولیدوي ډېر ژر به د بریالۍ پروژې په توګه اعلان شي.

د کانونو او پترولیم و زارت مسوولینو ويلي؛ د هېواد په کچه ورته د بیات پاورشرکت پروژه یوه له مهمو او بریالیو پروژو څخه ده، چې ډېر ژر به د کانونو او پترولیم وزارت لخوا د بریالۍ او غوره پروژې په توګه معرفي شي.

د کانونو وزارت مسوولینو په ډاګه کړې، چې پدې پروژه ۳۸،۵ میلیو ن دالر پانګونه شوې ده.

د کانونو او پترولیم وزارت ویاند سیحون کامګار وايي، چې د دې پروژې عملي چارې به هم پیل شي او زرګونه هېوادوالو ته به د کار د زمینې ترڅنګ زرکونه کورنیو ته برښنا هم ورکړ شي.

د نوموړي د څرګندونو له مخې؛ بیات ګروپ توانیدلی، چې ټولې چارې د قرار داد له مخې بشپړې کړي او په نږدې راتلونکي کې به ګټې اخستلو ته وسپارل شي.

د سوداګرۍ او پانګونې خونې غړی خان جان الکوزی هم د بیات پاور پروګرام له اقتصادي پلوه هېوادوالو ته  خورا مهم  بولي او وایي، چې دغه پروژه کولي شي په جوزجان ولایت کې په زرګونه زره کسانو ته د کار تر څنګ د اقتصادي پراختیا زمینه برابره کړي.

د سوداګرۍ او پانګونې خونې مسوولینو دا هم ويلي، چې بیات د هېواد یو له بریالیو پانګوالو دی، چې تل يې هېوادوالو ته د اقتصادي هوسایني او ظرفیتونو د رامنځته کولو په برخه کې خپلي هلې ځلې روانې ساتلي.

خبریال اسلم حجاب

About Ariana News

Avatar

Check Also

د ملي امنیت مرستیال ادیب فهیم استعفا ورکړه

(Last Updated On: November 21, 2019)د افغانستان د ملي امنیت عمومي ریاست لومړي مرستیال ادیب …