عاجل خبرونه

د ترکیې ولس په هېواد کې د برخلیک ټاکونکیو ټاکنو شاهدان دي

(Last Updated On: June 24, 2018 4:51 pm)

د ترکیې خلک او په تېره ولسمشر رجب طیب اردوغان نن د خپل هېواد د برخلیک ټاکونکیو ټاکنو شاهدان دي.

ځینې کتونکي دا ټاکنې په تېرو نوي کلونو کې کله، چې مصطفی کمال اتاتورک عثماني خلافت ړنګ کړ؛ تر ټولو مهمې او برخلیک ټاکونکې بولي.

د نننیو ټاکنو ارزښت په دې کې دی، چې په راتلونکې کې به د ترکیې نظام ریاستي وي. یعنې واک به له ولسمشر سره وي، چې د تېر په څېر به لومړی وزیر نلري او د لومړي وزیر واکونه به ولسمشر ته سپارل کېږي.

په دغه هېواد کې نن( د چنګاښ ۳، چې د جون له ۲۴ سره برابره ده) د پارلمان او لسمشرۍ لپاره ټاکنې په لومړي ځل پر یوه ورځ تر سره کېږي.

ښاغلی اردوغان هیله لري، چې د پېنځه نورو کلونو لپاره په واک کې پاتې شي.

کتونکي وايي، نوموړی دا ځل له ننګوونکې ټاکنیزې سیالۍ سره مخ شوي.

د هغه درې سیالانو ویلي، که هر یو یې بریالی شي؛ نو د ښاغلي اردوغان له خوا رامنځته شوی رياستي نظام به لغوه کړي او د تېر په څېر به پارلماني نظام ټینګ کړي.

تېر کال په یوه ټولپوښتنه کې اساسي قانون تعدیل شو، چې له مخې یې پارلماني نظام پر رياستي بدل کړشو.

د یادونې وړ ده، چې دا ټاکنې د ولسمشر اردوغان په غوښتنه له وخت مخکې تر سره کیږي.

About Ariana News

Check Also

پولیسو په ننګرهار ولایت کې د لوی ملي ائتلاف خیمې ټولې کړې

(Last Updated On: September 18, 2018 6:07 pm) د ننګرهار والي ویاند څرګنده کړې، چې …