عاجل خبرونه

د غزني په مالستان کې ماین چاودنې د یوې کورنې ۵ غړي ووژل

(Last Updated On: جون 14, 2018)

سیمه ییزو چارواکو ویلي، چې د غزني ولایت د مالستان ولسوالۍ په یوه کور کې ماین چاودنې د یوې کورنۍ ۵ غړي وژلي دي.  

د غزني ولایت د مالستان ولسوال ضامن علي هدایت د پېښې پخلی کوي او وایي، چې دغې چاودنې دوه نرینه او درې میرمنې وژلي دي.

د نوموړي د څرګندونو له مخې؛ تر دې دمه څرګنده شوې نده، چې د کورنۍ مشر دغه ماین د کومې موخې لپاره راوړی و او یا دا، چې کوم بل ځای ته یې لیږداوه او دغه چاودنه رامنځته شوې ده.

هغه زیاته کړې؛ دغه پېښه تېر مازیګر د دې ولسوالۍ په جاکه سیمه کې رامنځته شوې، چې د خپلې بڼې یوه بې سارې چاودنه وه.

دا په داسې حال کې ده، چې تېره ورځ په مقر ولسوالۍ کې موتر بم چاودنې لسګونه کسانو ته مرګ و ژوبله اړولې ده.

About Ariana News

Check Also

په دوحه کې د طالبانو او امریکایانو دوه ورځنۍ خبرې تر سره شوې

(Last Updated On: جنوري 22, 2019) طالبانو ته نږدې سرچینو ویلي؛ په پرونۍ او نننۍ …