د غزني د اندړ دوه سیمه ییز پولیس د پوستې پلورلو پر تور نیول شوي

(Last Updated On: اپریل 24, 2018)

د غزني امنیتي چارواکو ویلي؛ په دې ولایت کې دوه سیمه ییز پولیس، چې له طالبانو سره یې اړیکې درلودې؛ د یوې امنیتي پوستې له سپارلو مخکې ونیول شول.

د غزني ولایت امنیه قومندان ویلي، چې نیول شوي پولیس د لغمان ولایت اوسیدونکي دي او د اندړ ولسوالۍ د امین قلعه په پوسته کې یې دنده تر سره کوله.

نوموړي زیاته کړې، چې دغو سیمه ییزو پولیسو غوښتل اړوند پوسته له ټولو تجهیزاتو سره پر طالبانو وپلوري.

دغو دوه سیمه ییزو پولیسو اعتراف کړی، چې له  یو څه وخت راپدیخوا له طالبانو سره ملګري شوي وه او غوښتل یې، چې اوړمه شپه دغه پوسته طالبانو ته وسپاري.  

په امنیتي بنسټونو کې د طالبانو د نفوذي کسانو شتون کومه نوې خبره نده؛ دوی تل ملي ځواکونه له مرګ و ژوبلې سره مخ کړي دي.  

About Ariana News

Check Also

کیدی شي طالبانو او خلیلزاد د بهرنیو ځواکونو پر وتلو هوکړه کړې وي

(Last Updated On: نوومبر 17, 2018) د سولي عالي شورا وایي، کیدی شي، چې طالب …