عاجل خبرونه

د برښنا شرکت کارکوونکي د پوروړیو لخوا وهل شوي- وحیدالله توحیدي

(Last Updated On: April 8, 2019)

د افغانستان برښنا شرکت مسوولین وايي؛ څلور نیم میلیارد افغانۍ د برښنا د لګښت پیسې د هېواد جهادي، سیاسي او پارلماني څېرو نیولي او د برښنا شرکت هغه کارکوونکي، چې غوښتل يي له دوی پیسې وغواړي د رهبرانو د ساتونکیو لخوا وهل شوي او ان وژل شوي هم دې.

دوی دا هم څرګنده کړې، چې له برښنا شرکت سره باید امنیتي او عدلي ارګانونه خپله همکاري ډېره کړي.

د افغانستان برښنا شرکت د نشراتو رییس وحید الله توحیدي وایي، چې له واک و ځواک برخه منو( یو شمېر جهادي، سیاسي، پالماني او دولتي) څېرو له ګڼو ستونزو سره مخ کړي یو او نه حاضریږي، چې خپلې د برښنا د لګښت پیسې تادیه کړي.

د افغانستان د صنعت کارانو ټولنې غړيو هم ويلي، چې د زور واکو لخوا د پیسو نیول د افغانستان برښنا شرکت له مالي پلوه ننګولی شي او ان پر دغو پیسو په هېواد کې د اوبو او برښنا یو شمېر بندونه هم رغیدی شي.

د صنعتکارانو ټولنې مشر سخي احمد پیمان وایي، چې دا ډېرې پیسې دي حکومت باید دغه پیسې واخلي؛ دا د ملت پیسي باید برښنا شرکت ته وسپارل شي، چې د برښنا په تولید کې یې ولګوي.

د اقتصادي چارو کارپوهان په دې باور دي، چې که دا پیسې ترلاسه نشي ښايي برښنا شرکت له سترو مالي ننګونو سرمخ شي او ان د سقوط ترحده ورسیږي.

خبریال: اسلم حجاب

 

About Ariana News

Avatar

Check Also

حکومت د خلکو د امنیت په ساتنه کې ناکام دی- د بشرحقونو خپلواک کمیسیون

(Last Updated On: August 18, 2019)د بشرحقونو خپلواک کمیسیون د تېرې شپې د واده پر …