Connect with us

تازه خبرونه

د رایه ورکوونکیو د نوملیکنې بهیر او د رایو ورکولو سیستم دې باطل شي- سیاسیون

خپور شوی

د

(Last Updated On: لړم ۲, ۱۴۰۱)

یو شمېر ګوندونو او حزبونو، سیاسي ډلو او شخصیتونو د رایه ورکوونکیو د نوملیکنې بهیر د باطلیدو او د رایو ورکولو په سیستم کې د بدلون غوښتنه وکړه.

یو شمېر ګوندونو، سیاسي ډلو او ځینو سیاسي څېرو د شنبې پر ورځ( د چنګاښ ۲۳) په یوه ناسته کې بحث وکړ، چې څه ډول کیدای شي، چې د باور وړ ټاکنې تر سره شي. دوی د رایه ورکوونکیو د نوملیکنې د بهیر د باطلیدو او د رایه ورکوونکیو د نوملیکنې لپاره د بایو متریک سسیتم وړاندیز وکړ.

د وحدت ملي ګوند استازی اسدالله سعادتي وایي، چې: د حکومت او د ټاکنو خپلواک کمیسیون د نوملیکنې بهیر د بشپړې محاسبې د نشتوالي او نامسلکیتوب له کبله نه یوازې د افغانستان د خلکو وخت ضایع کړی، بلکې میلیونونه دالر یې هم پر دغه نیمګړي، فساد خپروونکي او له درغلیو څخه پر ډک بهیر لګولې دي.  

نوموړي زیاته کړې، چې: دغه روان نظام پر درې مهمو کرښو؛ په ولایاتو کې د استازولۍ پر ساتنه، په هېواد کې د قومي توازن ساتل او د برابرو فرصتونو پر رامنځته کیدو راڅرخي.                

د ټاکنو خپلواک کمیسیون وایي، که هر ګوند او سیاسي بهیر د ټاکنو په اړه اندېښمن وي، کولی شي له بېلابېلو پړاوونو یې څارنه وکړي.

د ټاکنو خپلواک کمیسیون کمیشنر حفیظ الله هاشمي وایي:  ګوندونه او احزاب دې راشي او له دغه بهیره دې څارنه وکړي، چې نور هم روڼ شي.            

سیاسي ډلو او شخصیتونو په ډاګه کړې، چې که یې  ټاکنو خپلواک کمیسیون، حکومت او نړیوالې ټولنې غوښتنې له پامه وغورزولې؛ له ټولو امکاناتو څخه به له هغو لارو ګټه واخلي، چې افغانستان ته کړکیچ جوړونکې دي؛ ګټه پورته کړي.

خبریاله: دیانا صمدي

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!