د اسلامی تمدن د پلازمېنې په توګه د غزني شپږمه کلیزه ونمانځل شوه

(Last Updated On: April 18, 2019)

د غزني د اطلاعاتو او فرهنګ رییس وایي، په دې ولایت کې د اسلامي تمدن ډېر تاریخي آبدات بیا ورغول شول او د غزني موزیم ودانۍ هم پرانیستل شوه.

د غزني سلګونه اوسیدونکيو د اسلامي ثقافت د مرکز په توګه د غزني د نومولو شپږمه کلیزه د یو لړ مراسمو په ترڅ کې ونمانځله.

 د غزني د اطلاعاتو او فرهنګ رییس بشیرمحمدی وايي، د اطلاعاتو او فرهنګ وزارت په پام کې لري، چې د دغه ولایت تاریخي آبدات پوره ورغول شي.

د غزني والي وحیدالله کلیمزی  وايي، په دغه ولایت کې د فرهنګي کارونو لپاره ښه زمینه برابره ده او فرهنګي بنسټونه باید خپل کارونه په منظم ډول ترسره کړي.

د غزني اوسیدونکي وايي، د اسلامي تمدن د مرکز په توګه د غزني د نومولو د شپږم کال مراسم ډېر ځانګړي ول، چې باید پراخه تر سره شوي وه.

د دغو مراسمو تر څنګ د آلو ګل میله او ننداره هم تر سره شوه .

په دې مراسمو کې د کتابونو او لاسی صنایعو او توکو نندارتون هم جوړ شوی و.

 

About Ariana News

Check Also

په کابل کې د مخدره توکو د قاچاق پر تور ۳ کسان نیول شوي

(Last Updated On: May 23, 2019)کورنیو چارو وزارت د کابل په نړیوال هوایي ډګر کې …