د طالبانو مالي سرچینې به بمبارد او وېچاړې شي!

(Last Updated On: جون 28, 2018)

په افغانستان کې د پرېکنده ملاتړ ماموریت د هوايي ځواکونو مرستیال امریکايي قومندان وايي، پر طالبانو د بریدونو په لړ کې د هغوی ګڼې مالي سرچینې له منځه وړل شوي او پر ډېرو نورو به هم هوايي بریدونه تر سره شي.

د پرېکنده ملاتړ ماموریت د هوايي ځواک مرستیال قومندان فینس بنچ وایي؛ مخکې له دې، چې اوربند پیل شي مونږ د یوه کمپاین پر مهال د طالبانو۱۵۴ موخې تر بریدونو لاندې راوستې. افغان ځواکونو هم په کې ګډون درلود. په بریدونو کې د هغوی د نشه يي توکو کارخونې، د وسلو او چاودیدونکیو توکو زیرمې، قومندانان او د ویناوو مراسم پر نښه شوي دي.

دغه قومندان په ډاګه کړې؛ پخوا به یوازې د هغو وسلوالو ډلو پر وړاندې هوايي عملیات کیدل، چې له افغان حکومت او بهرنیانو سره به په جګړه کې ښکېل ول؛ خو اوس پر ټولو وسلوالو( په هر ځای کې، چې وي) بریدونه کیږي.

نوموړي دا هم ویلي؛ زمونږ په ګومان په دې وروستیو بریدونو کې، چې تر اوربند وړاندې مو پر طالبانو کړي هغوی ته ۴۵ ميلیون دالر زیان اوښتی او مالي سرچینې یې په کې له منځه تللې دي.

د پرېکنده ملاتړ ماموریت مرستیال د افغان هوايي ځواک له مسلکیتوب څخه د ستاینې تر څنګ وویل، چې طالبانو ته غوره لار سوله ده؛ ځکه د جګړې پر مهال په نږدې وخت کې د هغوی ۱۹ مرکزونه ویجاړ شوي او نور بریدونه به هم ورباندې وشي.

دغه راز ناتو ویلي؛ نړیوالې ټولنې پر طالبانو غږ کړی، چې اوږدمهاله اوربند دې وکړي او کنه د هوايي بریدونو او مالي سرچینو په له منځه وړلو به یې سولې ته چمتو کړو.

خبریال: خلیل الرحمن امید  

About Ariana News

Check Also

د افغانستان سوداګریز توکي د لاجورد له لارې اروپا ته ولیږل شول

(Last Updated On: دسمبر 13, 2018) له هرات ولایت څخه د لاجورد له لارې د …