عاجل خبرونه

د زابل د شهر صفا اوسیدونکي د شپنیو عملیاتو د درولو غوښتنه کوي

(Last Updated On: December 19, 2019)

په زابل کې د ځانګړیو ځواکونو د شپنيو عملياتو په غبرګون کي د دې ولايت د شهر صفا ولسوالۍ اوسيدونکیو پر لاريون لاس پوري کړى او وايي، که يې پر وړاندي شپني عمليات ونه درول شي؛ د کابل ـ کندهار لويه لار به وتړي.

د زابل د شهر صفا ولسوالۍ اوسيدونکيو ويلي، له تېرو څو مياشتو راپدیخوا په پرلپسې توګه د دوى په کليو کې د بهرنيو ځواکونو تر څنګ افغان ځانګړي ځواکونه هم شپني عمليات کوي، چي له کبله يې د دوى ژوند تريخ شوى؛ ځکه، چي خلکو ته په کې ځاني او مالي زيانونه اوړي.

د زابل د شهر صفا اوسیدونکي دوست محمد  نومي ویلي، چې د بهرنيو ځواکونو د شپنيو عملياتو تر څنګ افغان ځانګړي ځواکونه هم د خلکو پر کورونو چاپې وهي او شپني عمليات تر سره کوي.

محمد هاشم نومي هم څرګنده کړې، که يې پر وړاندي شپني عمليات ونه درول شي؛ نو پر لويو لاريونونو به لاس پوري کړي او د کابل- کندهار لويه لار به وتړي.

د زابل والي رحمت الله یارمل ويلي، چي د ځانګړیو ځواکونو رهبري په کندهار او کابل کي ده، چي له دوى سره هيڅ ډول اړيکه نلري.

هغه زیاته کړې د خلکو دغه ستونزه يې په کابل کي د ځانګړيو ځواکونو له قومندانۍ او د کندهار د امنيتي مسوولينو سره شريکه کړې؛ خو تر اوسه يې کوم ځواب ندى تر لاسه کړى.

د يادوني ده، چي په شپنيو عملياتو کي د بهرنيو ځواکونو تر څنګ د افغان ځانګړیو ځواکونو په عملياتو کې هم ډېرى وخت ملکي وګړیو ته مرګ و ژوبله اوړي.

About Ariana News

Avatar

Check Also

په کابل کې ۱۰۰۰۰ کورنیو ته د خوراکي توکو مرسته ووېشل شوه

(Last Updated On: April 7, 2020)له کرونا ویروس څخه د ژغورنې جرګه ګۍ په ډاګه …