عاجل خبرونه

د تاجکستان له زندان څخه اتیا بندیان کندوز ته راولیږدول شول

(Last Updated On: July 28, 2019)

په تاجکستان کې د افغانستان سفارت چارسمبالي ویلي، چې له تاجکستان سره د یوه هوکړه لیک له مخې هغه اتیا افغان بندیان د کندوز زندان ته ولیږدول شول، چې له لس کلونو را پدیخوا په تاجکستان کې بندیان ول.

د لومړي ځل لپاره اتیا تنه هغه افغانان د کندوز زندان ته راولیږدول شول، چې په تاجکستان کې بندیان ول.

په تاجکستان کې د افغانستان سفارت چارسمبالی وايي، دا د یوې ګډې هوکړې له مخې شوی او په لړ کې به یې ټول افغانان، چې په تاجکستان کې بندیان دي افغانستان ته راولیږدول شي.

په تاجکستان کې د افغانستان سفارت چارسمبالی سید معصوم بدخش وايي؛ په تاجکستان کې ۱۷۴ افغانان بندیان دي، چې اتیا تنه یی کندوز ته لیږدول شوي او نور به هم ولیږدول شي.

د کندوز د زندان مدیر ګل خان کوفي وايي، د زندانیانو لپاره شرایط ښه شوي او د ولسمشر د فرمانونو له مخې د یو شمېر بندیانو د بند موده یا کمیږي او یا هم خوشي کیږي.

کندوز ته لیږدول شوي بندیان وايي، د تاجکستان دولت له کومې ګنا پرته بنديان کړي وه او سم چلند هم ورسره نه کیده.

د یوه بندي ماشوم زوی سید احمد نومي، چې پلار یې په تاجکستان کې بندي و؛ د حکومت له دې کار هرکلی کړی او څرګندوي؛ له لس کلونو وروسته یی پلار ولید.

په تاجکستان کې د افغانستان سفارت مسوولین وايي، ډېر کسان په تاجکستان کې له دې کبله بندیان شوي، چې افغانان دي. د کندوز د زندان مسوولین هم وايي، د دې اتیا زندیانو له لیږدولو سره د دغه ولایت په زندان کې د بندیانو شمېر اته سوه کسانو ته رسیږي.

About Ariana News

Avatar

Check Also

په کابل کې ځانمرګي ۶۰ کسانو ته مرګ و ژوبله رامنځته کړې

(Last Updated On: September 17, 2019)کورنیو چارو وزارت په ډاګه کړې، چې نن له غرمې …