عاجل خبرونه

د بادغیس د بالا مرغاب ولسوالۍ د پولیسو مرکز ته طالبان وردننه شول

(Last Updated On: April 6, 2019)

یو شمېر امنیتي چارواکو ویلي، چې طالبانو د بادغیس ولایت د بالامرغاب ولسوالۍ امنیه قومنداني له دوه ورځنیو نښتو په پایله کې ونیوله.

د دې ولایت یوې امنیتي سرچینې دا هم ویلي، چې د بالامرغاب ولسوالۍ د امنیه قومندانۍ پولیس، چې له تېرو څو ورځو راپدیخوا له طالبانو سره جنګیدلي د ځانګړیو سرتېرو په ملاتړ له دغې ودانۍ وتلي او د ملي اردو مرکز ته ولیږدول شول.

دغې سرچینې زیاته کړې، چې د یادې ولسوالۍ امنیه قومنداني امنیتي ځواکونو ته ډېر ارزښت لري.

دغه راز طالبانو هم څرګنده کړې، چې طالبانو د دغه ولایت د بالامرغاب امنیه قومنداني او زندان نیولی او ۲۶ امنیتي سرتېري په دې ولسوالۍ کې له طالبانو سره یوځای شوي دي.

دا په داسې حال کې ده، چې د جمعې پر ورځ( د وري ۱۶) د ملي ځواکونو چورلکو په دې ولسوالۍ کې د وسلوالو طالبانو مرکزونه هم بمبارد کړي او د ولسوالۍ د ژغورلو لپاره د ملي اردو ځانګړي ځواکونه هم ورلیږدول شوي دي.  

About Ariana News

Avatar

Check Also

کابل او لس نور ولایتونه به تر ناڅرګند وخته بې برښنا وي

(Last Updated On: September 16, 2019)د افغانستان برښنا شرکت وایي، له تېرې یوې اوونۍ راپدیخوا …