د آلمان ځانګړي استازي په قطر کې له طالب استازي ملا برادر سره لیدلي

(Last Updated On: May 19, 2019)

د افغانستان او پاکستان لپاره د آلمان هېواد ځانګړي استازي مارکس پوتزیل تېره ورځ( د غویي ۲۸ /  د می ۱۸) د قطر په دوحه کې د طالبانو له سیاسي استازي ملا عبدالغني برادر سره لیدلي دي.

طالبانو په ډاګه کړې، چې طالب استازي ملا برادر له مارکس پوتزیل سره په لیدنه کې د سولې پر هڅو بحث او خبرې کړې دي.

د طالبانو د سیاسي دفتر د خبرپاڼې له مخې؛ ښاغلي مارکس پوتزیل د سولې په اړه د خپل هېواد د مثبت رول لوبولو ډاډ څرګند کړی او ټینګار کوي، چې پدې اړه به خپلې هڅې روانې ساتي.  

د سولې په اړه د امریکا له هڅو وروسته د ملګرو ملتونو یو شمېر استازیو او د بېلابېلو هېوادونو سفیرانو هم په قطر کې له طالب استازیو سره د سولې په اړه خبرې کړې دي.

About Ariana News

Avatar

Check Also

ډېر ژر به ۱۵۰۰ملي بسونه په کابل ښار کې تګ راتګ پیل کړي

(Last Updated On: September 23, 2019)کابل ښاروالۍ ویلي، چې د میلیونونه افغانیو پر ارزښت يي …